[عبدالاله المقاطي]

السلام عليكم ورحمة الله وبركاته



بعد فترة غياب تقبلوها كما هي تعبّر عن (رأيي الشخصي )....



أتمنى أن تنال اعجابكم.....

ابو بصمة من أول في عباد الله مسوي خيــر = ما غير الزر الأخضر والحمَر وأرقامها العشره
وله عند العرب حشمة وله عند العرب تقدير = لكن اليوم يالنقاد لا تنقد ولا تشره
بعد جت واردات الغرب بعلوم وسوالف غيـر = وجتنا بأجهزة يا كافي من العام منتشره !
ياليت اللي يصدرها يوقف حملة التصدير = وياليت اللي يوردها لنا يستوعب النشره
وياليت اللي عليها نفسه تحده يبي التغيير = يخيّر عن طريقٍ فيه زين وشين مختشره
كبير العقل منها صار عقله مثل عقل الطير = وصغير العقل زاد بغيه وفي غيه استشره
ومجالسنا معاد لها طعم وأعلامنا (تشفير) = وسوالفنا الطريفة من ورا الأضلاع محتشره
وعوايدنا تلاشت والسبايب ما لها تبرير = زمانٍ بدّل الأوضاع يا شينه ويا قشره
تقول ان العرب عن سَلم أهلهم ضُيروا تضيير = ما عاد يميزون الصايبه وصدورهم حشره
وأنا ما ني بضد سياسة التجديد والتطوير = لكن النصح والأرشاد مما توجب العشره

اخوكم / عبدالاله محمد المقاطي

16/3/1433 هـ

آخر تعديل عبدالاله المقاطي يوم 08-Feb-2012 في 01:52 AM.