ياللـي تمنـى الفـوز حنـا هـل الـفـوز
مـن ماضـي الدنـيـا بالامـجـاد فـزنـا
حنا عتيبـة نكسـب الطيـب و نحـوز
عـلـى العـلـوم الغانـمـة مــا عجـزنـا
لـنـا مـكـانٍ فــأول الطـيـب محـجـوز
نــرقــى ســنـــود و بالله اعـتـنـزنــا
حقايـقٍ مـا هــي دعـايـات و رمــوز
و لـولا الفـعـول الكـايـدة مــا بـرزنـا
قولوا لراع الهرج عن هرجه يجـوز
حـنـا عــن أمثـالـه بالانـظـار جـزنـا
لا شـك مـا فيـنـا حـزابـات و فــروز
لو حـاول المبغـض عجـز مـا فرزنـا
من خيبته يرقص على صوت فيروز
و حـنـا لصعـبـات الامــور ارتـكـزنـا
جميع مـا نملـك مـن أمـوال و كنـوز
دون الوجـيـه نسوقـهـا مـــا كـنـزنـا
يا راعي الحيلات أخذها علـى البـوز
علـيـك مــردود الـبـراء مــا عـوزنـا
يـوم العصيمـي فـاز يستاهـل الـفـوز
شعـره علـى معنـى مسيـس و وزنـا
شاعر ملك ماهوب بالصوت مـدزوز
اجـــازه الـنـاقــد بـنـقــده و اجــزنــا
الله الله عليك يابو مشعل
صح لسااانك وبيض الله وجهك على هذه الرااائعة ولا يستغرب عليك الابداع ...
والدكتور / حمد العصيمي يستاهل هذا اللقب الغالي بكل جداره ...
والذي يعتبر فخر وإنجاز لقبيلة عتيبه كاااافه ...
سجل إعجابي وشهادتي فيك مجروحة ،،،
تحياتي لك