[سعود الجعفري]

بسم الله الرحمن الرحيم


اتمنى تحوز على رضاكم وتستاهلون المدح ياقبيلة عتيبه0

بدون قصور بالقبايل


(الله خلقكم ياعتيبه للمهمات الثقال)

الجو غيّم من صباح اليـوم فـي دهـم الخيـال=صبت هماليله وجـاك السيـل بالـوادي يسيـل
من قو سيله يصتفق فـي جـال ويعـود بجـال=من ديرة العتبان حتى انه وصل بيضـاء نثيـل
ديرة شيـوخ القـوم ياشانـت ملاميـح الليـال=شيوخنا اهل الطيب والنوماس والمجـد النبيـل
واليوم انا باقف هنا مـن بعـد ماجالـي مجـال=يارب جملني علـى الميقـاف والعلـم الجميـل
الوقفـه اللـي ماتجملنـي عسـاهـا لـلـزوال=ايه اتهبا ماني لها صاحـب ومشتـاق وعميـل
عني اليامنـي وقفـت اقـول يابعـض العيـال=ما للأصيله في زمنـا اليـوم ياغيـر الاصيـل
انا شمالي ياوقفت انـوب عـن اهـل الشمـال=نطاحت الكايـد هـل الوقفـه مزبنـت الدخيـل
وقفت انا قدم الشيـوخ اللـي عليهـا الاتكـال=اليشلهب الوقـت تلقـى ضلهـم دايـم ضليـل
الله خلقـكـم ياعتيـبـه للمهـمـات الثـقـال=ولو لا عتيبه ماخلق فـي وقتنـا شيـن ثقيـل
مثل الجبال الشامخـات النايفـات مـن الجبـال=امجادكـم يالابـة الهيـلا عـلـى الله وكـيـل
افعالكـم مـن ماضـي الدنيـا وتبقـى ماتـزال=نحتن على صم الصفا تبقـى ولا يمكـن تزيـل
انتم عتيبه عز يعني عـال يبنـى فـوق عـال=هقواتكم من فوق هام السحـب والطايـل يطيـل
اهل النسب واهل الحسب واهل البيوت ام الضلال=بيوتكـم لـو مالـت الايـام لايمـكـن تمـيـل
اجزال بالوقفـه وبالمشيـه وبالجلسـه اجـزال=الله عطاكـم شـي لايوصـف ولا مثلـه مثيـل
عقيلكـم ياقيـل تكفـى صابهـا مثـل الهبـال=مـن الطناخـه ياعتيبـه تصنعـون المستحيـل
الياقبس دخانها تحـت السمـاء وقـت القتـال=كفو لهـا ياصاحـت ام الولـد وشتـب الفتيـل