أهداء الي الشيخ محمد بن سلطان بن جهجاة بن حميد لمواقفه المشرفة ومها قلت فيه لن أوفيه حقه
والطيب ليس بغريب على شيوخ عتيبه 000
ياشيخ عتيبه لاختلـط عـج بخيـل
ياقمة تصعـب علـى مـن جالهـا
ياشامـخ بالطيـب ياعـد النزيـل
لاكبـرت القالـه زبـنـا جالـهـا
أنا أشهد أنـك بالمواقيـف ماتميـل
لاثـارة الهيجاءعـرف خيالـهـا
أنته ولد شيـخ يـروم المستحيـل
مـن لابـة ماينـهـزم رجالـهـا
أبن حميد اللـى جيوشـه ماتعيـل
بيارقـه تمشـي ولاحـد سالـهـا
مقدم عتيبه لاحصل خطـب جليـل
الكلمـة اللـى بالحمـا قـد قالهـا
يافزعـه العتبـان باليـوم الثقيـل
رد البراءفي نجـد يـوم احمالهـا
عتيبة االـى للفخـر اكبـر عميـل
أنشد عـن العتبـان شـم جبالهـا
مافى عتيبة لاغـزت رجـل ذليـل
ترعـد وتـرزم والخيـال خيالهـا
يافزعة المضيـوم باليـوم المهيـل
محـد يظـام لايادخـل بحبالـهـا
يفرح بها شيخ شكى الغـل الغليـل
اليـا طـواة الظيـم ثـم نادالـهـا
لبى عتيبـة مجدهـم مالـه مثيـل
اسـود غـاب دربـت أشبالـهـا
ولبى عتيبـة بالمسـارى والمقيـل
أبـن رشيـد بسطوتـه ماطالـهـا
عتيبة خوال المصطفى فخر جميـل
عز النسـب والفخـر كلـه نالهـا
هم يحسبون الحصن ماتصهل صهيل
وان الحداوي فخـر مـن غنالهـا
يامحمد ابن حميد يالظلـع الطويـل
حـل القضيـه لاتطـوال اعمالهـا
أفزع لمن صكـو عليـه بعزلليـل
وبيارقـة تنخـاء جميـع اعيالهـا
من دون نقـص بالقبايـل والقبيـل
أنتـه عقيـد ونـاولـك احبالـهـا