[ابو عاتق]

،،


طاروق ممدوح العطياني ومصلح بن عياد في حفل المعاتبه من الشلاوى
منقول على الساحه



اترككم مع الطاروق

ممدوح العطياني
سلام الله على اهل القنا والرمح والسيف*
رجالً تاخذ من المدايح طول يدها
قضية مصلح اللي سنه في درج الارشيف
نبا نرسل عليها خطاب ونعتمدها
*

مصلح بن عياد
هلا يامرحبا بالرجال اهل المواقيف
زحازيح الشيوخ اللي أعمت من حسدها
ياممدوح المقاطي نبا نهرج على الكيف
ياليت توضح الاوله واللي بعدها*

ممدوح العطياني
لاضاق بك الوطن من حدود السيف للسيف
تنحى واترك اهل البلد داخل بلدها
لابد تشوف شي ف زمانك قبل ماشيف*
وتذكر نعمة الله عليكم وتحمدها


مصلح بن عياد
ليا ضاق الوطن عوّد الخيال للسيف*
عسى الله يرحم عظام وارقاب جلدها*
توالفنا وحنا قبل ماأ حنا مواليف
وسلمنا جنيهات مايحصى عددها

ممدوح العطياني
لاتفتل شاربك بالقهر والظيم والحيف
عيونك كحلها اول سبب سّبب رمدها
تعزوى بالفعايل ولكن ماني ضعيف
ياكم قومً نصبح ديرها ونهجدها

مصلح بن عياد
سرى برقً على نجد ومزونه مراديف
مخيلً كل مامر له عقده حصدها
عساك بخير ياللي سقاك الوسم والصيف
ترى العقده رسن في يدين اللي عقدها*


ممدوح العطياني
عساها في تهامه معاصير وعواصيف*
ليا من خيلت دندنت فوقك رعدها
مايلحق طيب الفعل شكات وتخاليف
لكن انته تحب المشاكل وتعبدها

مصلح بن عياد
أنا راع الضيافة وأراعي خاطر الضيف
وأسوي طيبه في عتيبي ً جحدها*
تري ماعاد عندي على الدنيا تحاسيف*
تجود في رسنها ليا غارت جهدها


ممدوح العطياني
ابن عياد ماله على عتيبه معاريف
ياليت امه بعد جابته ربت ولدها



..

آخر تعديل ابو عاتق يوم 30-Jul-2012 في 12:45 AM.