كل عام والجميع بصحه وسلااامه
العيد وصل وتسامح واكثره فرحه = والعيد لا حل كل الناس تفرحبه
مير البلاء من ظميراً مابرى جرحه = تظوي به اهموم والاحزان تسرحبه
ومحاجر عيوني من الدمع منجرحه = العيد ذكر علي اللي قضاء نحبه
من عام 26 ارتكز رمحه = آخر عياده معي ونهاية الصحبه
جاني خبر قلت يمزح راعي المزحه = وقتً غدربي وانا كنت اتناصحبه
والعمر يقصر ويشبه فية السرحه = وحيل الليالي ماندري وش تلاقحبه
صدور ياظيقها وصدور منشرحه = وارتاح يومن مافالقلب اصرحبه
شاعر وموهوب والابدااع في طرحه = ايرجح الكفه بقافه وترجحبه
ان كان في مشكله وان كان في صلحه = قمت ازعج الصوت في نظمه وطوحبه
مامعي غير القلم والبوك والسبحه = والكف تشكي خرزها اللي تسبحبه
والطيب اللي على العليا بنى صرحه = هذا يارائد سلاحي واتسلحبه
غنيت ماني بيم الشاعر البرحه= ولا على القاف ابه كلمه وتصلحبه
بيتً على العجز يركب مانبى شرحه = ليت القوانين بعض احيان تسمحبه
وختامها ياعسى لعيادكم فرحه = صلو على افضل نبي وآله وصحبه