[عثمان الثبيتي]

انا ليا مني بديت المراقيـــــــــب = اطلق خيالي من بلادي لبـــــــلادي


اردد الونات مع عويت الذئــــب = واعاف من نومي وشربـــي وزادي


اصارع الايام سودً شلاهيــــــب = وتزيد قسوتها ويكبر جهـــــــــــادي


اقسى على قلبً جروحه معاطيـب=متمكناتً في صميم الفــــــــــــوادي


كل الجروح اتمر واتخف واتطيب= الا الجروح اللي بقلبي جـــــــدادي


ميقاعها بين الضلوع المحاديــب = مافيه جرحً لعين الناس بــــــــادي


يعلم بها الله عالم السر والغيــــب = الواحد اللي للمخاليق هــــــــــــادي


يامضمن المزحه بعدة تجاريــب = اثرك تدس الجمر تحت الرمـــــادي


هل تعلم اني من خيار المعازيب = والضيف دوني ماتنصاه حـــــــادي


يقلط على الحايل وكيف وتراحيب = وبشا شة محيا ومسكً وكـــــــادي


ماني بهالدنيا قريب محاضــــيب = وانا على الله نصرتي واعتــمادي


لوان ضرفي قاسي شوي وصعيب= واله على ذاتي نفوذ وتمـــــــادي


ولو كلبت دنياي بالوجه تكليـــــب = ماني عن اسلوم الرجال امتحادي


مافلت عذر يسد يوم اني اغيـــب = في ساعةً نادى عليه المنـــــادي


الي مواجيب وعليه موا جـــيب = اوفي بها في حر والا بـــــــرادي


قل الموارد والفقر ما هوبعيــب = العيب لا ناش البياض الســــوادي


لاشك دنينا حظوظ ومكاتيـــــب = لله في خلقه شئون ومـــــــــــرادي

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه