لاضــاق صدري والعنا فنجالــــه
قهويت نفسي مـن دلال احزانــي
احاول أســلا وأتناســا الحالـــــه
مـــدام راس المــال عز إيمانـــي
طــــرد المقفــي ميزة الجهالــــه
خلــه لاتقعـــد من وراه تمانــــي
لابــــد ماتعتـــاض فـي منزالـــه
اعرف وقدر كفــة الميزانـــــي
والي يســابقـني علـــي موالـــه
يرد علم(ن) ماطلــع بلســانـــي
جربت كيف الصبر وسط ادلالـه
ابـــا اتقهوه يــــا براة الجانـــي
السيل حول وسط كشب وشالـه
وانا علي جاله واشوف الثانـي
من قايس الرجال قيس اريالـــه
لا مقيم(ن) نفسه ولا دنــدانــي
انـــا علي فــالي وهــو بفـــالــه
مالي ومــال امجابه الرديـــانــي
كـــم واحد مــــاسرته امــــوالـــه
ولا فيه قــــول لامعــه برهانــــي
اشــوم عن جور الزمان الوالـــه
وأحب للوقفـــات ركب احصـــاني
ماني بمن يقطع احبــال اوصالـــه
واجب ياقلبي لـــو تجي زعـــلاني
مثــل الجمــل لاقــالــوا الجمـــالـــه
ابليس عن درب الوفاء ما اغواني
شاعر واجاوب من عرض سؤاله
ولا همني لـــو صحني وأخطـــاني