صح لسانك ياسعود ابداع
قصيده راقيه من شاعر راقي وتستاهل التنسيق
تحياتي لك
عسى السحاب اللي تنثر حقوقه = نؤه سديد وشمخ المزن تتليه
ينشي من القبله تخضع شنوقه=ويضفي على نجد وتشابك خباريه
يسقى الهشيم اللي جثا الوقت فوقه=مرت عليه سنين ماسال واديه
يبست جذوعه يوم يبست عروقه=تذرى عليه من السوافي ذواريه
في ديرةً نفسي عليها شفوقه=نفس الرضيع للمست الديد بيديه
يجذبني الغربي عليها بشوقه=شوق الخلوج اللي ورا الذود وتتيه
ونجد وهواها يجتذبني نشوقه=إلى هب غربيه وضفت مناشيه
اطلقت له حر الوفا مع سبوقه=واسرفت في حبه وانا كنت مغليه