تعديل بعض الابيات
هذه القصيده للمرحوم سعد بن سعيدان بن ثعلي العضياني قالها في المرحوم الشيخ(أبن ربيعان)
عندما كان أميرأ للفوج بالقصيم آنذاك
يقول من غنى بدع زين اللحون=مثايلن ماأخذتها بشراء وباع
ناصنبها شيخٍ على القاله زبون=شيخ الشيوخ اللي يفكون الرباع
يدخل ليا بكموا وعيوا يدخلون=ويطلع بقوة ضلع ولسانً براع
والقوم يوم أنه وراهم يأمنون=لاجاء من الحكام فالدعوى نزاع
والشجره اللي ماتذري بالغصون=خطر على عرقها بالأنقلاع
ياذخر ربعٍ في منازلهم ركون=ذباحة الحايل وسيعين الرباع
وليل لفاهم قالة مايرهبون=عيوا علاها قو ضلع وطيب ناع
وليا عثا الصايح وعنوا يركبون=طاروبها والبوش للحيران راع
وأن ساقوا العطفه على نو الطحون=صكوا علاها مثل طابور الدفاع
كما فعل مسلط على مايذكرون=يوم ايتولاهم على الصفراء الرباع
يضرب بسيفه فالغوارب والمتون=ضرب المهلهل في عيال أخته ضباع
يقوله اللي فالمثايل مايخون=حق علينا للشجاع أبن الشجاع
ياشيخنا ياشوق ميال الردون=ياشوق من قرنه على المتنين باع
هي بنت ربعٍ فالمحاضر يفعلون=أهل الرماح اللي مضاربها وساع
أنشد عصيم والقبايل يشهدون=فأبن رشيد مطوعينه لين أطاع
من فعلهم شمر عطيبين الطعون=شبعبهم سود الحنادي والسباع
أبا العوض ياشيخ وأنتم تفهمون=في رخصةٍ ماهيب من ضمن الشراع
وراي غوشٍ في رجاء الله يحترون=والوقت قاسي والدبش مافيه باع
بغيتهم بعد الصيام يعيدون=لاكن عيا والامير أمره مطاع