الحال يابن حسين طاويه طاوي
من هاجسن ياصاح ينتابه احيان
الهاجس اللي فيه بعض الهقاوي
يخلف ضنون مدلهت كل ديقان
مرأ يناجيني وحبله رهاوي
ومرأ يناجيني من الضيم طفشان
يرف في صدري رفيف النداوي
وافز وطرب له ولوكنت تعبان
واكثر الترحيب مع عود جاوي
والهيل والبن اليماني مع الضان
واليا زهمني جيت فوق الحراوي
وشعر الحداثه معه ماني بطربان
شفي هجيني في ديارأ خلاوي
ولا العب المسحوب ياطير حوران
مع درب شرشوحن فحلها سهاوي
ترعا من البره اليا برق عردان
وان كنت انا بالقول ياصاح غاوي
ترا الكمال لخالق الانس والجان
الشاعر:عيد ابن شده