ياغلام زاورك النذير
بعد التواضع والحلوف
رد المهند بالجفير
ماعاد تنفعك السيوف
تثير والا تستجير
قمرك آفل للخسوف
لازم توكل لك خبير
مدرك بغمقات الحروف
من سرعته يمكن يطير
لا طب ميدان الصفوف
شوفه مع الغدراء مُنِير
وبالنور مايقدر يشوف
خطير والسانه قصير
زهوف بالحجه زهوف
يعرب ويجهل بالضمير
ينوف بالبرصه ينوف
عطه التذاكر بالمسير
وعطه الحلايا والوصوف
خله يفر مع النفير
يمشي على روؤس القنوف
نظير بالمجلس نظير
يحب تفتيش الرفوف
وخط الرساله بالحرير
والطرس حطه بالظروف
واكتب عليها دير دير
رهبان حناء دير ادوف
تاصل اليا بابا زفير
اللي يرحب بالهنوف
ويرقد على صدر الغرير
ويلعب على كل الضعوف
مسكين مايمشي ضرير
لو حج مايقدر يطوف
عيد بجاد بن شده العتيبي