متواضعه املي ان تنال شي من رضاكم
ياللي تلاعب علي وتحرق أعصابي=انا اعرفك زين واعرف كل الاعيبك
بس اتحملك لأنك سيد أحبابي=وأنا اقدر اقلب على راسك عراقيبك
أنا اشهد أن كل شي (ن)فيك جذابي=حتى صدودك وهجرانك وتعذيبك
مايستوي فى الهوى صادق وكذابي=انا عشقتك ولا ادري ويش اسويبك
حتى أنك اصبحت تأمر بي وتنهابي=واحيان تقسى علي ببعض اساليبك
أرفق ترى الراس منك من الهوى شابي=والقلب مسكين يصبح بك ويمسيبك
وش فايدة هالقلم بيدي وكتابي=ما دامت انك هواجيسك تقفيبك
انا اشهد اني جريح وفى الهوى مابي=جرح(ن) سوى جرح من رميك وتصويبك
أن كان تامر علي اشقق ثيابي=واصير مجنون البي لك مطاليبك
أنا افهم اسرار قلبك وأنته ادرابي=لكن امانتك قلبي داخل قليبك