عناز
لعنبو حيك لك الفخر انه يقارنكم بزامل و هو اللي خلاكم تخلون السوادين يوم الجميما و على راسكم ابن شعلان
و انا ما اقول بعنزة شي و مليون نعم
لكن ان يصل بك ان تستهتر وتنقص من قيم الرجال فهذا ما لا يرضاه عاقل
اما كلامك يا اخي مضحك حينما تقول مقارنتهم بابن رشيد نص مصيبه
ابن رشيد ما تاصلون مواصيله
و حنا بمنتدى عتيبه و عتيبه مالهم دخل بهالسالفة
لكن يومك قلت هذا
و مقارنة ابن رشيد بحدا شيوخ عنزة
ابن رشيد حاكم و ليس شيخ و لا يقارن بشيوخ القبائل فكما تعلم انت
ان ابن رشيد اخذ الزكاة على قبائل نجد مع معارضة العتبان لذلك ولكن نحن لسنا بهذا الصدد
و كذلك الامير المرحوم باذن الله عبدالله الرشيد جلا ساجر الرفدي عن نجد يوم يقول ساجر:
يومها نجد و انا من سكنها***واليوم ما يسكن بها كل ممرور
شامت لعبدالله و انا شمت عنها***اللي يصبح به على فجة النور
و انا احمد الله سالمن من شطنها***متكايفن ما بين عرعر و ابا القور
و لقدر ردوا عليه شعار شمر اذكر لك على سبيل المثال محمد بن دهيثم
هو ليــه ياساجــــــر تنحيت عنهــــا *** هربت منها نايـر تقـــل مذعــور
حدوك عنها ألـــي وســــاع طعنهـــا *** هوش الطنايا هازعة كل طابور
نجد حموهــــا زوبــــع مــــع يمنهــا *** وعن من يبيها كلنا عنده حضور
يوم عبدالله بكفــــــه حضنهــــــــــــا *** وغدوله عيال شمر تقل ســـــور
اما زامل و ما ادراك ما زامل!!
فهو من خلا العنزيه تصيح لنواف ولد النوري بن شعلان في كون الجميما
قائلةً
نواف بالك تخلينا**جيناك و الكبد منصدمه
خلينـا غالـي مبانينـا***ولاخذينا من قشنا القطمه
ابوك ماهومقدينا**يحط لطمه على لطمه
جيناك سبهان حادينا***و المسعد اللي به القدمه
السعيد اللي هاجن اول واحد
اما شاعر شمر فهو يقول :
سميت بالرحمـن والحمـد لله***وانا احمد اللي يوم قلتـه جداهـا
ولفتها بك يـا زبـون المخلـه***يالضيغمي ياما تعـدل هواهـا
يامزنتن غرا نشـت واستهلـه***غشا الزبالا والجميمـا غثاهـا
سحابتن منها المصامد تملـه***و صديق عينك ما يناظر بماهـا
صارت بها الخلفات مثل الاهله***خذت سنين ما تبعهـا ضناهـا
صارت على النوري دخاخين جله***وما شب من نارن عمسنا سناها
و انا احمد اللي فشله ثم ذله***نهج و خلا حلته ما حماها
كـم خفـرة تقـول وااحسـبـي الله***تدعي على النوري بحزّة مساها
الخيل عن وجه الضياغم تجلـه***والخيل بالصايح تزايد عياهـا
والخيل معها
زامل(ن) مردفٍ لـه***وسعود شوق اللي جديد صباها
و يطول بي الحديث و تكثر القصائد لكن اكتفي بهذا
فلذلك ارجو ان تنتبه لما تقول اخي الكريم
و ارجع و اقول و نعم والله بعنزة اما الاستنقاص فهو ليس من شيم الرجال
سلااااااااام