بعد السلام والإعتذار على قلة المشاركة
هذا مطلع قصيدة نشارك به الإخوة الكرام في هذا المنتدى الرائع
مزنً نشا وأرخى عليها ثعوله=دارً لها بالقلب تاريخ وسطور
دارً تسام النجم عزة وطوله= بأطراف وادٍ للمسمين مشهور
في عقلته عقل فؤادي ذلوله= لو كان من سيل المعادين حادور
وبأطراف شعبانه وهوله وضوله=وعلى ضفافه كم غنيت مجرور
واليوم دور اليوم حوله وحوله=وعمر الفتى ياصاح طورٌ بعد طور
كبر صغير السن وأتعب رحوله= وأصبح غرام القلب عامر ومعمور
من السيف حتى السيف رمله ولوله= ومن حد ميدي لين عرعر وأبا القور
اشتالها القلب الصغير بسهوله =أية غلا والعبد منهي ومامور
جزيرة التوحيد مسرى رسوله= هو ليه أنا ماهيم بالحب مسحور
وأنتي غرام القلب رمز البطوله = واليوم مع وجه السعد عز وسرور
يا ليت أبو متعب سمع ما نقوله=قول القلوب اللي لها بالوفاء دور
قول القلوب اللي تحبه وحوله=متعلقة بالحاكم العادل النور
نور البلاد ومآرتخى من سهوله= خادم بيوت المعطي وسورها السور