[أبو مقرن]

الاخ / مناور المورقي

السلام عليكم ورحمة الله وبركاته

(اسف على التاخر في الرد لظروف العمل )

الظاهر انك ماقريت مضبوط او ماودك تقرا وهذا شي عائد لك وانااخوك او يمكن انك ماانت بشاعر علشان كذا ماعرفت المعنى والبيت يقول /

(( ربي نصرني من بني عم عاضه00000بشلف(ن)نروي حدها والمسامير))

فهاهو يقول ربي نصرني ((انتقم لي )) من ماذا ؟؟؟!!! الهزيمه السابقه اعتقد ان الامور واضحه الان 0


اما الشيخ الشجاع/ هوصان وقيل (زهيان) من بني عصاي قال هذه القصيده بعد اغارته على القروف من البقوم مع ربعه ومعهم بعض العونه من مطير و غنموا ابل القروف من البقوم في موقعه (بسيان) ولكن القروف لحقوا ابلهم واسترجعوها وقال هذا الفارس هذه القصيده مفاخرا بشجاعته وكيف انه احتمى التالي من ربعه بعد ان كانوا يطلبون النجاه فقط بعد ترك الغنائم حيث قال /

خيل مخيل جاء على الحزم جرار= من مزنة(ن)تذرى مطرها بلاوي
غرنا على بسيان من فوق ويسار= اللي نصاهم حدر واللي علاوي
واول هللهاجاء على الشيخ جسار= شيخ القروف الي يحل الدعاوي
متعب مهار الخيل لاجا لها غبار = اليا هوى يهوي سوات النداوي
واسبرنا اللي عن نحى جيشنا نار = أمنير من كثرة عليه العزاوي
حذنا قطيع فيه جلات وصغار = اللي الشحم والزين فيها امتساوي
وثنيتها وخر( الحناتيش ومطار) = أهل الرمك ماهي بفزعة شواوي
ولحقو هل البل فوق قباة الامهار = لاد الحميدي مخلفين الهقاوي
وتلافتة لصواتهم جل الأوبار = وعدو بوشال الدمي كل غاوي
فريسهم تارد على الملح لاثار = يشدون حر من على الجو هاوي
بمحبب (ن) بايمانهم دون معيار = جينا نباهم مير رحنا شلاوي


اما الشيخ / حدجان الرويس فقد اغار بربعه ومعهم الفارس/محمدبن رثعى القحطاني الذي كان جالي معهم بسبب
الدم واغارمعهم على القروف من البقوم على بسيان شمال حضن وهذه الموقعه الثانيه في نفس الموقع فقال في
قصيدته /

بدعت قيفاني وانا شرق بسيان = حالي من اللي شفت ضايق ومحزون
خيلٍ تعالى عجها خيل روسان = اللابه اللى هم ذرا كل مغبون
ثور عجاج الخيل في صبح رضوان = في ضف ابن جامع وربعٍ يمارون
يبغى القروف ولاتوانا وله شان = والشان جا به شان يااللي توحون
أهبوا قروف لاجزيتوا بالاحسان = خيالهم قلبه من الخوف مضمون
يهوي كما يهوي على الخيل شيهان = جسار ابن جزله ترفق على الهون
يتلون ابن جزله عقيدٍ ودوقان = انشهد ان اللي طمع فيه مجنون
ارحم رحمك اللى نبا ديارقحطان = اللي وليفه يودع العقل مشطون
انشهد انك متعب الخيل يافلان = رميت ابن عباس فى الحزم مطعون
ياراعي الصفرا حواليك فرسان = ارماحهم ماتخطي اللى يثارون
ابديع اللي يلكز الخيل بعنان = مع سيف ابن بادع على الموت يردون
واهرج عن البعاج مسلط وسلطان = ياكيف يخفى فعلهم مقدم الكون
شف فعل مسلط في ثنادي حديجان = ولاني بناسي فعل منهم يضدون
وهناك ابن سحمي على جنب رفدان = ياويش ( هبس ) وويش هم لوتشوفون


وكما شهدوا اجدادكم للبقوم شهد المعاصرين من عتيبه للبقوم ايضا بعيدا عن العنصريه التى تعمي الرجال عن الحقائق من حولهم فهذه قصيده الشاعر / سعيد بن عياد الذيابي الروقي في قبيلة البقوم

سويـت لـي فنجـال يسـوى فناجيـل 000000000يشح به بعـض العـرب عـن عيالـه
مكمل(ن)حقـه مـن الـبـن والهـيـل 0000000000وثــلاث حاجاة(ن)تخـصـه كمـالـه
ملـونٍ لونـه علـى الصيـن تشكيـل 000000000اشقـر محمـر داخل(ن)بـه شعـالـه
لاذاقـه الشـراب فـي تالـي اللـيـل 00000000000كنـه مسويـه (ابقمـي)فـي دلالــه
سيـر لهـم يامـروج القـول والقيـل 0000000سير من الحشرج ليا اقصـى السفالـه
من( شعر) الى( العرقين) روحوا مشاميل 0000للضلع (حضن)ومن نـزل فـي جبالـه
وفـي (مر)و(الحره)تحصـل رياجـيـل 00000000الحضـر واللـي سارح(ن)فـي حلالـه
ومـن حـد بلحـارث وغامـد مقابيـل 0000000000كل(ن)عطـوه اجابتـه عـن سـوالـه
هـذا كـلام سعيـد قص(ن)بتفصـيـل 00000000000والصـدق تلـقـى مايثـبـت مقـالـه
وارجع لواد(ن)لـه غروس(ن)مضاليـل 000000بالمـاس الاحمـر محتميـنٍ ضـلالـه
ضلـه يبـونـه للـعـذارى مقايـيـل 000000000000وتمـره يبـونـه للمسـيـر فـوالـه
تلقـى حمـول الخيـل ذباحـة الحيـل 0000000000رجالهـم يكـفـي ضيـوفـه اقبـالـه
اقبال(ن)احلى مـن شـراب الشهاليـل 0000000لاجـا مـن المنشـى صدوق(ن)خيالـه
في وادي(ن) مسيول سيل(ن)باثر سيـل 00000صاف(ن)على ظهـر البسيطـه زلالـه
واللي حمى ركن الحرم من هـل الفيـل 00000000ماقلتهـا مـدحـه ولاهــي ختـالـه
مدحـي لهـم حـب ومعـزه وتفضيـل 000000000وكـل (ابقمي)نعطـيـه نعم(ن)لحـالـه

وسلاااااامتكم ياعتيبه الهيلا التى نحبها ونقدرها 0