[الوعر]

نشكرك الاخ النويري على متابعتك للموضوع واحب اقولك المعلومه اللي عندي واحب انك تعبترها كما اعتبرها انا بانها المعلومه الصحيحه لانه يوجد عندي دليل والدليل هو شخص قال لي السالفه قبل سنوات وانه سمعها من قاتلين الشيخ ابن فهيد نفسهم (القحاطين) والمعلومه هي كما اخذتها من هذا الرجل وهو جدي حيث قال لي ان ابن فهيد كان في يوم من الايام غازين على قحطان وانه (كالعادة) غنم منهم الكثير من الغنائم وفي طريق عودته رأي ذود نياق (أي مجموعه من البعارين) فأراد ان يكسبها وقال لابنه جهز :ياجهز روح واكسب هالنياق لنا فهي للقحاطين
فقال له ابنه جهز : يا ابوي حنا غنمنا من القحاطين ما يكفينا وانت ما تدري يمكن يكون عندها راعيها ويرمينا يمكن يموت احد منا خله واللي عندنا يكفينا
فغضب منه ابوه الشيخ هذال وقاله : خفت ياجهز والله لروح له واخذهن منه
فذهب الشيخ هذال للنياق واذا براعيهن وهو رجل قحطاني عادي جدا لا هو بفارس ولا هو بشيخ رجال عند نياقة ويرعاها شاف الشيخ جاي ناحيته فذهب واختباء ورا حصاة بعيده عن النياق وبارودته معة وعندما اقترب الشيخ رماه واذا به يصيب الشيخ ويرديه قتيلا وعندما سمع الجيش هذا الصوت وان الشيخ والفارس ابن فهيد قتل فرو هاربين والرجال القحطاني يذهب ويري من هذا الرجل الذي قتله فأذا به قاتل فارس الشيابين واميرهم ابن فهيد فذهب واخبر امير القحاطين فقال له الامير : ما مثلك يذبح ابن فهيد ابك قحطان ازرت لا تذبحه بتذبحه انت فقال له انه في المكان المذكور ( أي عند نياقه) فعندما ذهب معه الامير رأي الشيخ ابن فهيد مذبوح فترجل عن فرسة وقبل رأس القحطاني شاكرا اياه وقاموا بتكفين الشيخ ابن فهيد وصلوا علية صلاه الميت احب اقول لك يا الاخ النويري ان جدي سمع السالفه هذي من زوجه القحطاني اللي ذبح ابن فهيد نفسة (راعي النياق) وانها كانت طامحه عند اهلها قبل لا تصير السالفه وقالت له : والله ما ارجع لك الا اذا ذبحت ابن فهيد امير الشيابين ( من باب الاستهزاء) فأنها تحلف لجدي وهي عجوز وتقوله هالسالفه فكانت تقول لجدي ان الشيخ ابن فهيد ذبحه قلبه الميت وشجاعته فأنه لم يكن يعرف طعما للخوف
ومشكورين على المرور واتمني اللي عنده معلومه او شي عن السالفه لا يبخل علينا فيها ومشكورين مره ثانية