السلام عليكم ومساكم الله بالخير جميعاً وهذه إحداقصائدي اعرضها لكم في
في هذاالقسم من المنتدى واتقبل آرأئكم بصدرٍرحب
بنات فكرمولعٍ صب رايقه = في وصف بعض احوال خلٍ مضايقه
خلٍ يبيع ويشتري في مشاعري = في معظم اسواقه وشتى طرايقه
رحت وشكيته في محاكم عدالته = عسى العداله لي تبين حقايقه
واصبح هو القاضي وخصمي وشاهدي = وحملت حملٍ صرت مانيب طايقه
وفوجئت في قوله دعاويك عدها = الناس مصغيةٍ لدعواك تايقه
قلت اشتكي منك وعليك ولجيتلك = من مر فنجالٍ مع الناس سايقه
ومن لبسك اللي يختلف عن مذاهبك = ومن مشيةٍ في المجتمع غير لايقه
اشوف بعض الناس يطعنك فالقفى = ويحط لك في كل ميدان عايقه
يامود انا ودي لك العز والسعد = والعهد الأول معك مانيب بايقه
ثم التفت لي والدموع بمحاجره = وشبت دموعه في ظميري حرايقه
وقال الزمن غير الزمن يامعاتبي = مثل البحر لاهاج كثروا غرايقه
ياللي سكنتك وانت مثلي سكنتني = صوابك اللي فيك قلُوا عتايقه
مافي يدي لك حل والطب والدواء = عند الأطبأ اللي بالاطباب فايقه
هذا اختصار لقصتي مع مودني = اللي بأحر أشواق الأعماق شايقه
اللي معي عايش كما الروح في الجسد = وساعات وقتي معَه تسبق دقايقه
غازي العتيبي