الاخ ابن نجد لاهنت علي هالسالفه
ولكن في رواه نسبوها الي سعد بن مشعل المطرفي البلوي
والبعض الاخر قالو انها قصيدتين متشابهتين في المعنا
وسالفتها مشابه للسالفه التي ذكرتها
اما القصيده فيقول بن مشعل البلوي
نوخت سمحه عند مزموم الاطعاس ........ ارمي نظر عيني على قد ظني
جيت المراح وشفت به مشعة الراس ...... وذكر علي جروحي اللي مظني
شفت الثلاث اللي على الدار جلاس ........ ابا الخبر منهن ولا خبرني
ياراكب ٍٍٍن ثنتين يشدن الاقواس .........من عند رمان الحمر درهمني
مافوقها الا الكور والخرج بقياس ... وسفايف بين اربعة يلعبني
لي بنت عم ن ما وطت درب الادناس ....... ولا دنست يوم النسا يدنسني
ضربتها وانا احسب الضرب نوماس ....... طلقتها يوم اخفت العقل مني
لو ينشكي حبه على طير قرناس ...... يضحي الضحا في ماقعه مستكني
ولو ينشكي حبه لعجلات الامراس ...... تنفر عن الحيران ما يرزمني
ولو ينشكي حبه علي قب الافراس ...... عين نهار الكون لا يطردني
ولو ينشكي حبه على ذيب الاخماس .... يسرح مع الطليان ما يجفلني
وقام ولد البنت بالرد عليه
قولو لبن مشعل خذ الهرج بقياس ..... ذي عادة الايام لا دبرني
اللي معه ميز ن وناموس بالراس ..... يقدم لاهل عوص النضا كل فني
ويحط له بنٍ وهيلن ومحماس ..... ودلال في حد الوريثه يجني
وحياة جلاب المطر رازق الناس ..... ان فيك من نيات الردى ما طرني
لكن مابغا اللمس في خاتم الماس ..... حيث ان فنك ما يباعد لفني
وسلامتك