[قاطع طريق]

المشاركة الأصلية كتبت بواسطة ذيب المراقيب

هذا لصقه ما يستحق يكون عضو بمنتدى الرجال .. والله ارتفع ضغطي وانا متابع تجاوزاته واقول يا طول بالكم يا مشرفين منتدى الهيلا .. وترى هالاشكال كثرت هاليومين وما تنعطى وجه .

والله معذور لو تغضب يا ذيب المراقيب خصوصاً أنك من هاك الربع اللي ما يرضون الضيم, حتى على من خانهم من جيرانهم, أضف إلى ذلك أنك من أبناء الشمال موطن الرجال.

أما بالنسبة عندنا يا أهل نجد فالأمر عادي, لأننا واياهم عيال قرية, ولا نستغرب أي شئ منهم (أي شئ ركز عليها واجد).
الجيل الماضي من أهلنا كانوا يغضبون لأنهم قريبين من الفطرة السليمة وحديثي عهد بالتطور الحضاري والنهضة السعودية, وكانوا يفرقون بين قطيع الذئاب, وقطيع الأغنام, ويرون أن المساواة بينهم أمر مبتدع ومغضب في نفس الوقت.
وسأضرب لك مثلاً, وهي قصة حدثت قبل حوالي ثلاثين سنة.
وهو أن كان هناك رجل شهم كان مسافر للقصيم على سيارته, ويوم جاء بالقرب من جبل خزاز الشهير, وبنزين الجمس يخلص, ابك يالربع شوفوا لنا محطة نعبي منها, المهم يوم أخذ شوووي وهو مع السكة لين قدامه هاك المحطة, مكتوب عليها محطة فلان بن زويد الفلاني, وهو يفرق عليها, ويوم عبأ الجمس من البنزين, وهو يلتفت يساره, ولا الناس متجمعة حول هاك القفص, ابك العلم ويش!!!, ويوم راح يمهم لين في داخل القفص ذيب مشبوك, يا مسكين يا هالذيب, عقب ما كنت تفرس بأياديك, قامت الغنم تصيدك, وتحطك وسط الأقفاص والشبوك, أثر صاحب المحطة صايده, يريد الناس تفرج عليه ومن بعدين يعبون من المحطة!!!
هذا الرجل الشهم, يوم شاف المنظر المحزن أمامه, تحركت عنده الفطرة السليمة, والغيرة على المروءة والشجاعة وعدم امتهانها, وامتهان رمز من رموزها وهو الذئب.
الوكاد يوم الرجال مشى من المحطة ومن الحرة اللي في كبده وهو يتمثل بالأبيات التالية:

يا(.....) صرتوا للذيابة تصيدون = وانتم منوول ما تصيدون بومة
ذيب الخلا في داركم شيف مسجون = طالت يداكم تحت ظل الحكومة

وهي أطول