السلام عليكم ورحمه الله وبركاته
اخوي الغربي الكريم اشكرك من كل قلبي على كتابتك لهذا الموضوع الشيق
ولكن عندي شغله بوضحها لك ردا على كتابتك هذي:فقدم امراء قبائل وعشائر عتيبه بدون استثناء الى الملك عبدالعزيز وكان قدومهم بدعوه من عبدالعزيز . وكان من قبائل عتيبه(( بن حميد - بن ربيعان - بن محيا – بن فهيد ـــ الهيضل – بن عميره – ابا العلا - الضيط - ابو خشيم – بن جامع– بن رازن )) وغيرهم .
اخي الكريم انا من قبيله الدلابحه ولا راح منه احد هالاجتماع ولا شي وبعدين ياخي خلو الواحد يتكلم بالصحيح كله هاضمين حق العتبان ترى في جبله 3 مرات يرمي سلطان بن جبار الخميسي الدلبحي الملك عبد العزيز وتجي بفرسه مع انه سلطان بواردي مايخطي ابد وثالث مره يوم جت الطلقه بفرسها ركبه واحد من امرى عتيبه الله يحفظه على فرسه وطلع فيه والسالفه هذي معروفه ولم عبد العزيز امر بن ربيعان انه يكف الدلابحه ومحد كفهم انتزع الاماره من بن عصاي وعطاها لي خاتم بن مسعد وخاتم لاكف الدلابحه ولاحد رد عليه وكان الامير بن ربيعان يشتكي للملك عبد العزيز من الدلابحه والملك عبد العزيز خذا سلاح الدلابحه وحلالهم عقب التوحيد ويدرون فيها شيبانكم واسألوهم وللأسف كانت هذي الشغله بمساعده بعض قبائل عتيبه واذا تبي تعرف اسأل عن سالفه الستين الي يروحون الجنوب وشوف كم واحد رد من الدلابحه واسأل عن فاطر سفير بن فهد واسأل عن ولده بخيت اللي توفى الله يرحمه صارلي بهالمنتدى ست شهور وانا ساكت وفي شغلات كثيره بس تسبب حزازيات
يمكن اخي الكريم انا طلعت عن الموضوع بس انا كانت عندي نقطه وحيده
انه الاجتماع حضره خاتم بن مسعد الي هو منصوب من قبل الامير بن ربيعان
ولكن لم تعترف فيه اكثر فخوذ الدلابحه.
ومشكورين على هالمنتدى الجميل واتمنالكم التوفيق
الفهيداني