ابن مشيب شكرا على هذا النقل والموضوع الرائع وانا اشاركك الراي واشارك الكاتب العتيبي في ذالك
فالمحاوره اليوم صارت هرج فاضي ولا عاد فيه معنى بس تعال يالشاعر واشتر لك بكتين ملبورو وتعال سب في خلق الله وفي معاورهم وحنا فعلنا وحنا سوينا والمشكله ان الجمهور يزيد في ذالك وصار العيب متبوع للجمهور وللأسف وبعدين ودك من اصحاب الحفل لو يجي واحد من الشعراء واخص المتطفلين على الشعر وهم صغار المستثمرين فالشعر ويتهجم على احد من الشعراء حد لو كان من ابناء قبيلته ودك يقوله يالله تقلع علشان كلن يمسك ماه بسماه .
ودي اذكر سالفه صارت بيني وبين صديقي لي من احد القبائل حضرت انا وياه ملعبه وصار بين الشعار ذاك اليوم مهاترات شعريه لا تمت للاسلام وقيمه باي رابط وفالنهايه بعد ماخلصت المحاوره قالي صاحبي ياخوي لاعاد تجيبنا للمحاورات ترا والله بعدين اتهاوش معك فلت يارجال وسع صدرك هذولاء الشعار يهرجون على بعض قدامنا وشوي تلقاهم متسدحين في شقه يسولفون مع بعض ويتفقون على نفس النهج الغبي .
فمن هذا المنطق اتمنى لو تكون هنا هيئة رقابة تحارب هؤلاء المساكين من الشعراء الذين حتما لا محاله سوف يبعثون ارسالاتهم لناس الجهلا ومن ثم بعدها سوف ياقع الراس فالفاس وسوف نرا ناس واقعين في الدماء باسباب هؤلاء المهاترين ؟
واخيرا ماهو الفرق بين محاورات النهج االجديد ودارفور ؟