[السميــــــري]

السلام عليكم ورحمة الله وبركاته

حبيت اشارككم بهذه القصيد التي مضمونها فيها
وارى آراءكم فيها

ياعين بسك من الاحزان والعبره = ياعين دنيا الشقى هذي طبايعها
للحزن في قلبي المحزون له نبره = انياط قلبي من الاحزان قطعها
أذكر سنين الحلا.. أحلى من التمره = اسنين ريف القلوب القلب ربعها
لو ماحصل لي منه ياكود من نظره = تغني عن اللي بهاالدنيا وتابعها
شب الحزن جوف قلبي من شرر جمره = الجمره اللي على الجمره تولعها
بعض العظم لانكسر ماللعظم جبره = وبعض الرقع بالرقع محدٍ يرقعها
سافر على رحلةٍ ياطول هالسفره = ياسفرةٍ بالآسى كنا نودعها
ياليــــلةٍ مابها نورٍ ولاقمره = أسامر النجم طول الليل أطالعها
أجرع بكاس الحزن والعق من الصبره = بالله وش حال .. حال اللي تجرعها؟؟
تركي عليه هموم اسنيني الغبره = بانت بحدب الظلوع .. اسمع تصاقعها

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع