اقتباس:
المشاركة الأصلية كتبت بواسطة ناصر بن محمد العتيبي
ثلاث في بالي من العام ياسعود=الجيب والبندق وشقر الحرارا
آبى ليا طاح الحيا واخضر العود=قمنا نشيل الحمل هاك النهارا
والنا مع هواة المناهيج موعود=ربعٍ من رجال الوفاء والو قارا
جينا على الموعد وللكل موجود=وكلن يقابل صاحبه بالبشارا
جهمه مشينا والسماء برق ورعود=رحنا على ظهور الجيوب انتبارا
ناوين دارٍ للخزاما بها اورود=ما دوجوا فيها البدوا والحضارا
نهار وادنى الليل والحمل مشدود=على ظهور مقطعات الديارا
اليا وصلنا عدها افراح وسعود=أناستك فالبر ماهي خسارا
وقف وشب النار في راس صاهود=وظبط لنا من بنها والبهارا
موزونةٍ بالكيل لا نقص لا زود=تجلي عماس أهل الجيوب السهارا
واعرف ترا بكره مواثيق وعهود=بطيورنا عند الهدد بنتمارا
تنافسٍ بالعز ما فيه منقود=وسوالف رجالٍ بضحك وعيارا
نمشي بخبتٍ ريح نبته مع النود=خبتٍ وسيع وللحباري مزارا
احدٍ يروح لقاصي الخبت ويعود=وأحدٍ يعدي فوق روس الزبارا
واللي نقل طيرٍ على الهد معدود=واللي على رجله يقص الحبارا
وشفي ليا من طيرت تطلع سنود=بيضٍ تداكن لونها للحمارا
وهد أشقرٍ بالفعل ما عنه منشود=يمناك ما تعطيه يدك اليسارا
تعلقت فالجو والطير مهدود=حرٍ شلع من وافيات الندارا
أيتل عمره عقبها أتقول مطرود=وخطم لها ثم عودت بنكسارا
ضربه بمخلابه كما ضرب باورد=ومن ريشها فالجوا صار انتشارا
هذي طرات العمر والعمر محدود=وماقدر المولى على العبد صارا
وياسعود وين نروح وأيامنا سود=ماعاد نعرف ليلها والنهارا
الدين والراتب غدا كله اقصود=والصيد ما يقدره ناسٍ طفارا
والحمد الله خير والي ومعبود=أمبدل لليال العسر باليسارا
لا من ذكرتني عن الدار بذود=نطقت هذي من غناة الفقارا
|
ياسلااااااااااااااام ياناصر
جزله و وافيه استمتعت بسماعها فأمسية الدمام من قبل
صح لسانك
واعتلا شانك
تحيتي وتقديري
أخوك /