توي عرفت المنتدى والـذي فيـه=من قبل تجهلني اومـورن كثيـره
هالحين للي فيه انـا اقـول لبيـه=عيال الرجال اهل السيوف الشطيره
عتبان يازقـن العتيبـي وطاريـه=ربعي هل الطالات في كل سيـره
استوطنو في نجد في عز ماضيـه=في وقت يشكي من نفـاد الذخيـره
وصالو وجالو بين حضر وبواديـه=مرباعهم رعيـه وماهـم غديـره
من الحجاز اليا طويـق وقواصيـه=ماخش نجد الا الوجيـه السفيـره
قومي عتيبـه كـم عنيـد تربيـه=لطامة العايـل زحـول الجزيـره
شرابة الدم الحمـر ويـن راعيـه=قضو عليه وراح من عرض غيره
مثل الخيال اللي تكاشـف مباديـه=ولاصب حاس الاولـه والاخيـره
يرعد ويبرق والصواعـق تباريـه=من شافه من الناس عجـل منيـره
هاذي عتيبه ويـل منهـو تعاديـه=عدوهـا مافيـه امـل تستشيـره
عن مابقالـه فـي لياليـه تنهيـه=حتيش لو حـاول يدرهـم بعيـره
لاجا نهارن ينبغـض كـل مافيـه=يعدلـون العايـجـات العسـيـره
منهو يعـش الذيـب حنـا نعشيـه=فقسى معاسيـر الليـال الخطيـره
نجيه لاحده وهـو فـي محاريـه=ولانذبح من البـل يكـود الكبيـره
عيبـن علانـا فالمجاعـه نخليـه=ماتنقبل في مثـل هـاذي عذيـره
دايم نبيع العمر والمـوت نشريـه=نرقص طرب للموت وندق زيـره
كم واحدن حسنى مخطط هقاويـه=يومن هـاذي يـم هـاذي مغيـره
هذا اتصال ابكم من الروح نجريـه=ياصقور ياعيال الصقور الصقيـره