[أبوعزام الغنامي]

(2)
مساكم الله با الخير..

هذي القصيده الجزله للشاعر
سالم بن جخير ...

	(( تاريخنا ماهوب فى طاش ما طـاش )) البارحه غنّيت يـوم الفكـر شـاش ** وأسرجت قيفان البيـوت الجزيلـه مانيب أجيب ابيات شعرى على ماش ** شاعر ولا اجيب البيـوت الهزيلـه يا نفس شومى واعتلى فوق مبـداش ** ومبداش روس النايفـات الطويلـه احداش عن درب المقفين واحـداش ** عن غلطة الجاهل وعن كـل ميلـه جعل الردى يفداش واللاش يفـداش **واهل الحكى واهل النفوس الثقيلـه يا غلطة الجهّـال وشلـون ننسـاش ** شلـون ننسـى بيـن ليلـه وليلـه المسأله ماهيب تصويـر وافـلاش ** المسألـه غايـه وليسـت وسيـلـه يا شلّة الجهّـال مـا عـاد منهـاش ** لا وصلت الدعـوا لـراس الفتيلـه يا خيّلا البل طشت والراس لا طاش ** ماهوب راكـد ليـن يشفـى غليلـه حنّا هل الوقفه من الطاش للطـاش ** ناقف الـى بـار العميـل بعميلـه حنّا عذاب القوم مسـرى ومغبـاش ** اهل القنا واهل السيـوف الصقيلـه علومنا ماهيب فـى راس قـرواش ** وماهيب فى راس الخبل والحليلـه إلـى نوينـا الشـى ينّـاش ينّـاش ** ناتى على قـبّ المهـار الاصيلـه تاريخنا ماهوب فى طاش ما طـاش ** تاريخنـا يمطـر سـوات المخيلـه ما عندنـا هافـى ولا عندنـا لاش ** يكـرم نبانـا عـن دروب الرذيلـه والمهره اللى عرشها داخل الجـاش ** ما مثلهـا فـى ناقضـات الجديلـه حنّا لهـا بافعالنـا ستـر وفـراش ** حن سترها من دون برقـع وشيلـه حنّا لها محـزم ومدفـع ورشـاش ** من الجنـوب اليـن حـد المسيلـه يا خلطة العنبر بعـد مـا كشفنـاش ** مع الهـوى رحتـى بليّـا حصيلـه تسدّحى واللـى تسـدح بطريـاش ** اقصى علومـه بيـن قالـه وقيلـه مثل القصب لو يجتمع داخل فـراش ** يذوب لا من المطـر سـال سيلـه هذا كلامى وافهموا زبدتـه كـاش ** والهرج دايـم زبدتـه فـى قليلـه امّا يعيش الراس بالعـز لا عـاش **وإلاّ ممـات العـز دون القبيـلـه