[السميــــــري]

المشاركة الأصلية كتبت بواسطة فـزاع

السلام عليكم ورحمت الله وبركاته ...

قصيده ارجو ان تحوز على اعجابكم ....

بحور الشعر غراقه وانا فامواجها سباح=وتعصاني وانا اعسفها على كيفي واسريها
ليا مني تهيضت وخذيت بكفي المسباح=وقمت اردد بيوتي على لساني واغنيها
اسوي ملعبه مع هاجسي وابدع وانا مرتاح=ويسري ليلي الهادي حلاوه والحلى فيها
تذكرني بلعب العازمي والشاعر القرقاح=رجال,ن, في بحور الشعر مخفيت,ن, معانيها
ابى سريك يالهاجس وانا الجارح وانا الجراح=وانا قصدي جبال,ن, فالزمن مصعب مراقيها
علمنا رافعينه فالسما دايم ترى ماطاح=من اول سابق الدنيا وابعلنها لتاليها
ابه ناس ,ن, تحصل ذم وابه ناس,ن, تجيب امداح=وكلن حسب فعله يكسب الجزله ويعطيها
ليا مني نويت اهرج كلامي مانطقه بصياح=كلام العاقل الفاهم هروجه مايثنيها
درست بدنيتي واعرف من السارق من المزاح=واعرف القوس يوم القوس تعرف من يباريها
واعرف اللي بدى في لازمه واللي جلس بمراح=واخلي سلعت,ن, بياعها منصح لشاريها
وعرف الزرعه اللي تعب فيها واحد,ن, فلاح=حصدها واحد,ن, غيره ويقطفها ويجنيها
واعرف ان الطيور اشكال مخلاب وزقم وجناح=وفرق,ن, بينها بعشوشها في مرابيها
تعلمنا وعلمنا وننصح من يريد نصاح=عدود,ن, مالها جمه خبل ياللي بتطويها
الا يامخبل اللي يلبس المحزم بدون سلاح=رصاصه في حزامه معه لكن كيف يرميها
ولا ياكاسب البيعه ولا ياخاسر الارباح=تراها ركعتين(ن) فاز فيها من يصليها
وصلنا وين يالهاجس مع المسرى تبى مسراح=ورد وقال صح ان الرعيه بان راعيها
وصلنا حد ماتبغى وقرحنا مع المقراح=وركبنا بيوت ,ن, ساسها من عرف بانيها
وصلت لمقصدي وانهيت مشواري بلبس وشاح=من اسفلها ياراع المعرفه ميز لعاليها
هواجيس العصيمي فالقصايد مثل برق(ن) لاح= منظمها بلون ,ن, من ذهب والماس زاهيها

وسلامتكم

..

اخوي فزااع ..

ابياات في قمة الروعه ..

صح لساانك وفكرك ..

تستاهل الثنااء ..

فيهاا من الحكمه وروعه المعاني مايذهل القارئ ..
...

ننتظر مزيدك ...