[راع العرف]

الاخ ابناخي الايدا اشكر لك اسلوبك الطيب في الحوار واحب ان اقول لك انت لم تقلل من قيمة قبيلة حرب ولااحد يستطيع ان يقلل من قيمتها لان ليس كل مايقال يصدق لان الكلام واجد وعتيبه ونعم فيها ومن منا لايعرف الشاعر والفارس الشجاع الكريم تركي ابن حميد شيخ شمل قبيلة عتيبه ويكفي عتيبه فخر انه منها ,وانا وانا اخوك ماانفعلت ولاشي ولو فيه انفعال كان سمعت غير ردي اللي سمعته والله يبعد الانفعال بعدين انا مااتهمتك بصغر السن الا من اسلوبك الاستهزائي وبالاخص هالجمله ( مير ردو علينا ولدنا ياحرب ) ولايختلف اثنين على ان هالكلام استهزائي ولا يطلع الامن ابو خمسة عشر سنه لكن انت نفيت هالشي , بعدين انت مانسبت حجرف لنسب ردي معاذ الله عتيبه فخر لحرب ولشبابه لكن كل واحد يفتخر بااصله ويعتز فيه ولايتخلى عنه لو مهما كان , وحنا نعر ف مثل مالناس تعرف ان الذوبه اسره من بني عمروا من مسروح من حرب وهم اسرة مشيخه وفرسان شجعان ومنهم على سبيل المثال لاالحصر لانهم واجد وهم منهم : الشيخ والفارس محمد ابن عقاب الذويبي ( ابا الروس ) وهذا اللقب اشتهر فيه بعد معركه جندل فيهابسيفه ( اللويصق ) اكثر من اربعين فارس لوحده وسمي ايضا بعد هذه المعركه راع اللويصق لان سيفه لصق على يده من شراسة المعركه , واذكر الشيخ فيحان الذويبي اللي قال فيه
ا لشاعر سبيل بن سند الحربي :
وفيحان( اخو نوره )تحت حد شلفاه *** كم فارس ٍ خلى عضامه حطايب
اللي بجـــاهه يوم زار اهل الـــجاه *** رد الذويبي مال رايح كــــسايب
وضيف الله بن عقاب الذويبي وناهس الذويبي وهندي الذويبي والشيخ محمد ابن عواد الذويبي
والشيخ عياد الذويبي والشيخ حجرف ابن عياد الذويبي ..
وانت قلت ان حجرف فقط من الذيبه من عتيبه وابوه اللي هو عيادجلى مع بني عمروا من حرب وخلف حجرف , فهل من المعقول ان ينسب حجرف الذويببي لعتيبه فقط اعتماد على سوالف شيبان واذا انت صادق انسبه لي لاخر جد من الذيبه ولا الشيبان بس يشكلون الانساب بس ماينسبون للجد الاول اذا كانت صحيحه بعد ولا من يصدق ان حجرف ماهو من حرب افا عليك بس وانا اخوك السوالف لاتودي ولاتجيب وانا صراحه مستغرب من المراقبين انهم ماالغوا المشاركه للحين وهل لوانها تمس نسب احد شيوخ عتيبه بيحذفونها الله اعلم انا متاكد لو تمس نسب شيخ من شيوخ عتيبه والله ان ماتبقى دقيقه اتقوا الله يامراقبين في بعض المشاركات.... بعدين انت اعتمدت على سوالف الشيبان واذا الواحد بيثبت كلامه بسوالف شيبان ؟؟؟؟؟؟
::::::: السوالف واجد ::::::::
ولعلمك فيه شيخ شمل قبيله نسبوه افراد قبيله ثانيه لهم بدون اثبات وهوشاعر وفارس وشيخ كريم شجاع ولو تسأل افراد القبيله الثانيه عن الاثبات يقولون نسمع الشيبان يسولفون وسوالف شيبان
وشيبانا كانو يقولون لهم شيبانهم مثل ماانت تقول لا وفيها قصيده بعد يعني اثبات عيني عينك ,والى وقتنا الحالي وافراد القبيله الثانيه يصرون على انه منهم ,ويرددون بيت شعر قيل قبل اكثر250 سنه بنسب هذا الشيخ يثبت ادعاءاتهم وبيت الشعر صحيح وقيل وكلن يثبت انه قيل لكن الاختلاف على صحت ماجاء فيه وهو بيت من قصيده قيلة بتنافس بين قبيلتين , وافراد قبيلته ينكرون هذا النسب ويقولون انه منهم , لكن ماغير ذا من نسبه شي ولا يؤثر بيت الشعرعليه ولا سوالف الشيبان اللي يقولونها مثل مانت اعتمدت عليهاانااقولك ليه.................
: اول شي هذي مشاحنات قديمه يفضونها قليلين المروه ويوصلونها للنسب ويبدأون بخلط الانساب والتقليل من قيمة الخصم وتشويه سمعته اذا عجز عن مجابهته وهذا مثل ماقلتلك تنافس غير شريف وارجو يابناخي الايدا اني ماطولت عليك لكن ضروري تفهم ان الانساب ماهي لعبه ولايصلح يتكلم فيها اي واحد فقط اعتماد على سوالف الشيبان لان احتمال وجود التنافس الغير شريف وارده في الوقت الحالي فمابالك بالوقت السابق الذي كان التنافس بين شيوخ القبائل وفرسانها شي وارد وعلى اشده .. واتمنى ان ردي مايكون قاسي عليك لكن وش اسوي الانساب ماهي لعبه .. وتقبل تحياتي ........