بسم الله الرحمن الرحيم
السلام عليكم ورحمة الله وبركاته
هذه اول مشاركه لي في هذا القسم ارجو ان تنال اعجابكم
ماضي الايام ما حولي فقر = وحاضر الايام ذا حالي دمار
عزتي للي سواتي ماظفر = جاء يبى المطلاع واصبح في انحدار
سوق الاسهم والمقدي به بدر = عزتي للي يبى منهم عمار
له سنه وموشره دايم خضر = وعقب جينا به بدا بالاحمرار
وان زهمنا يابدر قال الصبر = مقبل للسوق طفره وازدهار
راحت الامال و الخافي امر = وقيمة المملوك تضرب بالدوار
يابدر وابك الموشر انشطر = اكثر من النص روح كالبخار
والبقيه حول دايرة الخطر = يمكن انه يلحق الشطر انشطار
كن مال الشعب مهدور هدر= ما بقى ا لا ينضر ب حوله حصار
من خصيم الشعب من عنده خبر = يمكن انه صدفه اللي صار صار
وكل منهو صابه السهم الحمر = ما كسب يوم اصدر المجلس قرار
اندفع باللي بجيبه ماذكر = غير عدل الوضع مافيه انتظار
ما هقى في كلمة اصحاب الامر = مالها عند المسمين اعتبار
كارثه تروى على مر الدهر = عن كبير السن تاخذها الصغار
والملك وجه بعدله ماذخر=ولاتضيع امه وقايدها خيار
خادم البيتين عدو الفقر = به ظنون الشعب وآماله كبار
وقفته في صفنا راس الفخر = وما يقدم ياجد بدار القرار