ابو خالد
.....
ياسلام الله سلام اسلام والتسليم سنه=وين مرزوق العتيبي وين والمذهب سعودي
فيه فنجالٍ مصفّى وازنٍ هيله وبنه=باليمين يمد للغالين والمذهب سعودي
مرزوق العتيبي
...
مرحبا ترحيب وافي للوفي مافيه منّه = والوفا من عادة الوافين ... والبيرق سعودي
يابو خالد هات علمك هات علمك لاتكنّه = وش طرالك جعل فالك زين ... والبيرق سعودي
ابو خالد
..............
البقا بالوافي اللي عادته نجره يدنه=بالكرم في كل وقت وحين والبيرق سعودي
فيه علمٍ في ضميري مير لكنه لكنه=وا عنايه من غوى الغاوين والبيرق سعودي
.
مرزوق العتيبي
..................
ماعليكم زود ياللي ما اختلف ظني وظنه = لو تطوف اسنين بعد سنين .. والبيرق سعودي
من غوى يلقى رياجيل ٍ تبى تقلع مغنّه = لايهمك راعي الوجهين .. والبيرق سعودي