[راع العرف]

بسم الله الرحمن الرحيم .. وبه نستعين في البدايه اشكر القائمين على منتدى عتيبه الهيلا على إتاحة الفرصه
لي بالرد على من يحاول الايقاع بي في الخطأ وأنا بعيد كل البعد عنه ومحترم لهذا المنتدى الشامخ بأاعضاءه
المحترمين وهذا غير مستغرب على عتيبه الهيلا وابناءها احفاد الفرسان والشجعان الكرماءوتحيتي لهم جميعاً
..............................................




بخصوص ربطـ موضوع الضحك وموضوع عمري انا اعتقد الضحك ماهو محصور على عمر معين

عاد اذا عندك اعتراض لانستغرب لأنك اكثر عضو بالعالم كله معترض لايعجبك العجب ولا الصيام في رجب

وانا اقول لو ترشح نفسك للفيتو راح تلقى قبول لأن الفيتو تعريفه بالعربيه ( انا اعترض ) انت الله العالم

بكرا ماتلقى احد يعارضك ثم ً تعارض نفسك انا مااطلب من الله سوى الشفاء بااسرع وقت لك
^
^
^
اخي الكريم عقاب العنزي ارجوا انك تتفهم كلامي بالحجج وليس بالضغينه ,, الضحك بالمواضيع الجاده اذا أتى من شخص صغير السن لايستغرب لانه صغير لااحد يعترض عليه ولكن إذا اتى من شخص كبير بالسن فأنه يكون في محل النقد والاعتراض ولايكون في معزل عنه فالضحك تعبير إما للسخريه أو للتهكم وهذا في النقاش غير جائزويدل على العجز في مقارعة الحجج بالحجج واعتراضي في محله ومن نضرتي هو علمي بحت ... اما ان تقول اني اعترض فانا لااوافقك الرأي فأنا اناقش والكلام اخذ وعطى أما أن تريدني أن اسلم لك وأنت بعيد عن الحقيقه فهذا لايوجد عندي ولكن تجده عند المدلسين اللي ( يبرحون لك ) واذا ماتبيني اعترض عليك جب علم يطلق الوجه وانا معك ..
الحمد لله اعتراضي على حق ولو يلاحظ المتصفح الكريم المنصف يجدني رديت عليك بالحق ومقارعة الحجه بالحجه ولن تجد اختراع من عندي بل جميع اعتراضي على اطروحاتك المجانبه للصواب لاتقذفني
بالمعارضه من اجل المعارضه فقط فانا لامقصد لي الى الارتقاء بالنقاش فقط ....
.........................
انا مااطلب من الله سوى الشفاء بااسرع وقت لك
^
^
^
اما ان تدعوا لي بالشفاء فجزاك الله خير لكن انا ماني مريض بمثل هذي الأمور ولله الحمد لكن ان كنت تقصد معارضتي فهي والله ليست بمرض واذا كان قول الحق وعدم السكوت عن الحق ( فقط) هو مرض بوجهة نضرك فالله لايشفيني من قول كلمة الحق .........
........................





عزالله اني جيتك بااسلوب ذرب في جميع المواضيع السابقه بس ياخي كلامك ينرفز يعني تجبر

الشخص انه يتماشي على نفسك نمط كلامك بالرغم اني ماوصلت للمستوى كلامك كا القافله تسير 00

ولايضر السحاب 000 لأني ارفع من هالكلام السوقي لكن حبيت اني احسن من ملافظك لكن للاسف

جميع محاولاتي باءت بالفشل
^
^
^
^
مره تقول ان هذي العبارات اقولها لماجد الدعجاني الله يطول عمره ومره تقول اني اقولها لك يوجد في كلامك الكثير من المتناقضات واذا كنت تبغى تلصق نفسك بما وجهته لغيرك وانا مااقصده فيه طبعاًولكن بشكك بنفسك حطيته له اذا كنت بتلصق نفسك بكلامي لغيرك فهذا اكبر دليل انك تدور الخطا مني حتى لو يكن لغيرك وان لم تجد تحاول ان تضع الاساءه لغيرك اساءه لك ولو لم تكن اساءه وانا انسان ولست ملاك لكي لااخطأ فسوف تجد مني أخطاء ولكن بكل ماذكرت لن تجد وان حاولت لأن كلامي اوزنه قبل لااطلعه اما انت تكتب وبعدين تورط نفسك وبما أنك سلمت لما ذكرته انا فهذا دليل انك اقتنعت بكلامي ولكن بطريقة الكريم الذي لايقبل وان قبل بطريقه فريده كطريقتك هذه ونعم والله فيك ياعقاب ..


اما بخصوص القصيده ان كانت لك وان كانت لغيرك فهاك الرد :



سلام ياللي جبت لك كم قاف وســـــــــطور .... سوالف ٍ يتعب كل من يجمع شــــتاتــــها

الآدمـي منهي كذا بــــــس مامــــــــــــــــور .... واللي جناله حنضله ياكل من فــــتــــاتها

ياعقاب حاذر لاتقرب هل السبعة بحـــــــــــور .... تـراك تبغى تضيع في وسـط غــــــــباتها

ماقلت شي ولاتبى تقول حق وتـــــبـــــــــور .... والناس الاجواد كلمة الحق مشــهاتــــــها

مايزعل امن الحق لاجاه غير الـــــــــــــــهذور .... والاٌهـَـــــــــلَ العرف دايم وسيعه مداراتــها

واللي مجنبني عسى كل عمره ســــــــــرور .... عسى اللــيالي في حياته توضي مناراتها

عساه يسعد بالحياه ولاتلقاه الـــــــشـــــرور .... وراع الــــعلوم الطيبات تبين به شـــــــاراتها

لو قلت ابعذرْك ماقالوا الناس امـــــــــــــعذور .... وعلومك اللي قلت ماانت بـْعارْف تجاهاتها

شفتك تهبد والهباد اودعك فاقد شـــــــــــعور .... والمشكله ماقلت لك هــــات علومك هـاتها

(الخبل) يصبح ماتهنى في رقاده والــــــنشور .... باقي علــــــــــــــى علم ٍ قديم ونمته يقتاتها

واللي من اول (ماقوة يمناه تلـــطم للــــحبور) .... ( يحطها مدري )ولكن مااستطاع افلاتها

(اليوم قامت للزحول )تناوش الــــــــعلم وتثور .... (ومن طقة الكيبورد قامت تشن غاراتـها)

ربعي هل الطالات يوم العلم للناس ا مخــــبور .... يوم انها زرقة رماح وضرب سيف مــــــناتها

كم شيخ قوم ٍ طاح وابطى من طياحه مايثور .... وامسى عشى للذيب واقفت ربعه بويلاتها

يوم الرجال اوزان حنا وافيات الـــــنا الــــشبور .... ولليوم حنا للخصوم وقاضبين الـــــــــهاتها

(ولاالخبول) اللي سوالفهم على الشكه تـدور.... ماهمنا تشكيكها( ولاكثرة دعـــــــاياتها)

يشهدلنا فعلٍ فعلنا يوم (حزات الــــــــــــعبور)....يوم العرب( شدوا مخافتنا نزيد امـــواتها)

وكان الخبال الورث يالله تمحق الورث الدبـــور....وان طولت ماهمنا حاسدها ولاشــــــمْاتها
وسلامتكم يالربع ..
والف شكر ياشبابه على حسن الاستضافه والتقدير وارجوا ان تستمرو ا على هالمنوال
في حرية الرأي وحسن استقباله لأن هذا ديدنكم من قديم وأنا من وجهة نضري أنكم اكثر
منتدى يرحب بالآراء لاتوافق الكثيرين فمهما يكن هذه آراء ومناقشات وانا متأكد من أمانتكم
بعد ان جربت الكثير من المنتديات فملاحظاتي هي أنكم لاتحذفون المشاركه الا اذا كانت
غير لائقه عرفيا ً وهذه سياستكم جميله فهي تتيح للعضو الراحه في الكتابه فهو لايتعب وبالأخير
تحذف مشاركته الا اذا كانت فيها تجاوزات وشتيمه لأحد الاعضاء وهذا سر نجاحكم وانا
معجب شديد الاعجاب بمنتداكم اللي معطيني راحتي طبعا ً بحدود الأدب والف شكر مره
اخرى ياادارة المنتدى الاكارم ...............
اتمنى ان نقاشي يليق بمنتدى قبيله بحجم عتيبه الهيلا وانني التزمت بادب الحوار
وكثر الله خيركم ياعتابه .....
تقبلوا تحيات اخوكم راع العرف ..........
والسلام عليكم ورحمة الله وبركاته

ياعتيبه ياطويـــــلين اليـــــمين ** مكرمين الضيف واهل الشاذليه
يوم وقت ٍ فيه ضرب ٍ بـــاليدين ** محتمين دياركم بــــــــــــالمقدريه
غصب ماهو طيب ولابالمارتين ** بالسيوف الحدب حامين الـــرعيه
وسلامتكم ياعتيبه الهيلا
تحياتي
راع العرف
.........................

نرحب بالجميع ونتيح حرية التعبير
لكن أي إساءة لقبيلة عتيبة أو أحد القبائل الأخرى أو الشخصيات التاريخية المعروفة لن نسمح به وسنقوم بحذف المعرف .
كذلك نتمنى عدم الخروج عن الروح الطيبة في النقاش وعدم الإساءة بشعر أو بغيره واحترام وجهة النظر الأخرى.
قد يكون هناك حذف لبعض المشاركات السيئة فا عذرونا.
الإدارة / الهيئة الاستشارية