[ناصر الجلاه]

	على مبدا طلوع الشمس بعد انه تجلا الليل=تزاحمني هناديبي على بالي وهندبها ويامر هاجسي صفت سراياها فصيل فًصيل=فصايل تنزل الحصه عموما يامدربها يقوم الشعر للهاجس ويأذن رفعت التكميل=ويزهم في بيوت الشعر حاضرها وغايبها ومن حٍضرت تعدى يوم وان غابت يجيها الويل=جزاء ثابت على الصبه وتسأل عن سبايبها ويبدا هاجسي ينضم بيوته بين حط وشيل=ومن شانت يخليها ومن زانت يركبها على شان القصيده مايجي في قافيتها ميل=ليا بعدت معناها ترى محد(ن) مقربها لقيت الشعر له دلت كرم مسمار بن وهيل =ابقلط واشرب الدله على الطاله وافوزبها وان شاعر واميزهرجتي واترك كلام القيل=واللي ماقف مع الشعار غصب(ن) عن شواربها الا يانفس وش نهر الفرات ويش نهر النيل=الايانفس شعري بالمعاني بحر يرهبها اذا ماركب الحكمه بطرق الشعر بالتفصيل=اكب الشعر وطروقه نهائي واتجنبها على سلم الرجال الطيبه شقيت نفسي حيل=وابه شجعان تغلبنا وابه شجعان نغلبها وامد الطيب لأهل الطيب مامديت مد بخيل=عوايدنا نعيشبها عوايدنا نموتبها سلوم القوم فالدنيا توارث جيل بعده جيل=واشوف ان الاوادم فالزمن كثرت مذاهبها ترى كل(ن) على رزقه ولا واجد ولا تقليل=لكن الناس في دنيا الطمع شبت شبايبها تراها فانيه دنيا العنا والضيم والترحيل=عسى ربي يكافينا مصايب من مصايبها وانا مومن برزقي واتدبر محكم التنزيل=بقول الله رب البيت سيروا في مناكبها هذا قولي ولافكرت انا في باخسين الكيل=مانبغاها تحاسبني وانا ماني محاسبها مادام اني ولد حلحيل ابن حلحيل ابن حلحيل=ابى احماها وموجبها يضير فوق سالبها

وسلامتـــــــــــكم

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com