بسم الله الرحمن الرحيم
مساكم الله بكل خير ياربعي وهاذي عوايدكم ...... الوقفة مع رجال عتيبة في كل صغيرة وكبيرة وبيض الله وجيهكم كلكم
وأبارك لكم تأهل الشاعر يوسف بن عبدالرزاق العصيمي وان شاء الله فاله المليون ....
طبعا هاذي قصيدة لولد عمي الشاعر جابر بن هلال العصيمي وقد أمرني بنشرها في هاذا المنتدى الغالي وهي عبارة عن
مدح وثناءلله عزوجل ثم لقبيلتي الغالية بمناسبة تأهل الشاعر يوسف العصيمي ويقول فيها :
قدرك يابن عاصم على الرأس والعين *** وفعلك يابن عاصم يهول الهوايل
انا اشــهد انك من رجــال مســـميــن *** ربعك عتيـبـة كاسبـيـن الجمـايـل
اقلط مـع الفـرسـان وسـط الـميـاديـن *** مـثـل عـتيـبـة بيـن كـل القـبـايــل
ورح علم المطـران هـم والـقحاطيـن *** حنـا عتـيبـة فـوق والـرأس طايـل
حنـا هـل الـطـالـة مـن اول وذلحـيـن *** لا ولـــعــو بــزند روس الفـتـايـل
ميقافنا واحد عـلـى العـسـر والـلـيـن *** وغـيــر الشـكــالـه مانـدور بـدايـل
وعندي على قـولي اثبـات وبراهـيـن*** ولا قـولـي هــرجــــن بـليـا دلايــل
رجـالــهـم يـكـفـيـه فالوقـت ثـنتـيـن*** ذبــاح للـحــايــل ولــطــام عـايــــل
وسلامتكم
الشاعر / جابر بن هلال العصيمي