الله يرحم الشيخ تركي
ويومه يقول نرخي ارقاب الخيل بقصد الاندفاع نحو المواجهه
لذا لابد ان نرخي الريال لمواجهة معركة التصويت
الله يرحمه
يا سابقي صكت عليك القبايل = الحضر والبدوان راحوا نحيه
قوم من العارض ليا سوق حايل=لا قرب جد و لا بهم مرحميه
قامت تروجن بينهم بالشلايل=تعانوا عقب النقا بالحميه
بالعون جتنا من أعز الحمايل = حكام نجد القطع الصيرميه
ولو انها من نازحين الحمايل=ما سلت لو شره تلاحق ضويه
نرد الخطر و العمر لابد زايل=عقب الخطر نشرب ركايا عذيه
وان كان مانرخي رقاب الأصايل=و الا منازلنا غدت جاهليه
بصنع الفرنج مطوعه كل عايل=فود لنا ماقط جتنا حذيه
و مصقلات تودع الراس مايل = من صنع مفراص وساع هويه
ان كان ماترث يدينا فعايل=يحرم علينا شربه الشاذليه
الحر لا صكت عليه الحبايل=يشهر وتاتي له من الله فضيه
عاداتنا نروي حدود السلايل=بأيماننا في محتضر كل هيه
حريبنا يسهر و نومه ملايل=و ليا نسى يوم نجدد كويه