[راع العرف]

الله يبشرك بالخير وبيض الله وجهك ..يستاهل ابورزاق كل خير وعز الله انه
كفو وقبول ملوك وروس عرب ويكرم عن برنامج شاعر المليون ...




صحيح ماقال المثل
... (( اللي مايعرف للصقر يشويه )) ...

الحر النداوي يوسف العتيبي جا مثل الصقر امام دجاج بشاعر المليون ...


برنامج شاعر المليون ماعرفوا قدر يوسف وظلموه ,, والشيوخ وروس العرب
والملوك عرفوا قدره ودعوه وهاهي تنهال عليه الدعوات انشهد فرق مابين
الثرى والثريا ...
الملوك وروس العرب يدعون اللي بمقدارهم والـــ.... يدورون اللي مثلهم ...
طلب اخوي الله لايهينك لو تعلمني الوقت اللي تبث فيه المقابله اكون لك من
الشاكرين وانشهد اني بااتسمر على التلفزيون اتابعه ...
يستاهل الحر النداوي كل خير وقريبا ً قصيدتي بالشاعر الكبير الجزل يوسف
العتيبي الحرالنداوي بمناسبة حصوله على الجنسيه ...
مشكور الف مشكور على هذا الخبر السار المفرح وعلي الحرام اني مقفله
معي ويوم قريت هالخبر افرحني كثيرا ً ..
تحياتي
راع العرف

آخر تعديل راع العرف يوم 10-Apr-2007 في 02:10 AM.