الله يمسيكم بالخير والعافيه جميعاَ الاخوه الافاضل
التقي بكم من جديد واقبلو مني هاذه القصيده
المتواضعه ودمتم سالمين !!
دنياك ياغافل لك الله ماعليها مستريح= مشغول والايام ماتدري وش اللي خبته
دنيا مشاغلها كثيره لاتزيح ولاتبيح=تغريك في ريع انفتح والريع الأخر ذبته
ماينفعك يالأ دمي كثر التمدح والمديح =من حبه الله واكرمه كل الخلايق حبته
مهما تغالط في حسابك مايصح إلاالصحيح=ومن لا تربا من هله واللا الليالي ربته
الله يعيد ايام لافيها سفيه ولا بجيح =ايام جدي كان ياخذني معه في جبته
كل العرب متوالفه والزاد في قدره يفيح=والبن نحمس طبخته والقرص ناكل لبته
يوم النصيحه تشترا والحق معداله يطيح=وراع الزلل لن جا زلل يقعد وتدمح زلته
في مامضى يوم القلوب اصحاح والمذهب صحيح=واليوم بعض الناس بالدينار تشرى ذمته
يابادع القيفان طبعك لابخيل ولاشحيح=بابك مع البيبان ياذيبان جود ضبته
ولن طعتني باب ِ يجيب الريح سده واستريح=كان الخلايق دقته وألاالهبايب هبته
ومن لانفع في شبته لابد من يوم ويطيح= والعودلامنه خوا من عاد يرجي شبته