الكبتن مناحي
يامرحبا يالشاعر اللي جيتنا طُرّقي وضيـف=لَكِنّ ريّـض خطوتـك يالطُرّقـي العجلانيـه
ترى المعاني كنّها مزون المطر تمشي صفيف=وأن لاح برّاق الحياء بسـم الله الرحمانيـه
رحيّم الغنامي
دام البقا و انا هنيا ضيف و انت المستضيف=يا معزب الضيفان سوق الكيف للضيفانيـه
عيني تخيل المزنه اللي برقها جاله رفيـف=لكنّ مدري عن بروق الصيف في الامزانيه
الكبتن مناحي
يارحيّم أنته لك ثمان سنين فالشرطه عريف=لكنّ ابا ارقّيك (ظابط)فـي وظيفـه ثانيـه
ماهو بلازم مايعيش الروقي الاّ في عفيـف=الخير واسع والسّعه في ديـرة العتبانيـه
رحيم الغنامي
مكاتب التوظيف اورى في وظايفها واعيـف=الدخل ما من دخل وعظـام البنـادم فانيـه
تجار سوق البورصه عان ارصدتها في جنيف=ما اقول غير الله يبارك في الغصون الدانيـه
الكبتن مناحي ( راع الباص )
أنته بعصر ابن سعود ..ولا انت في عصر الشريف=عصـر التطـوّر يارحيّـم طــوّر البدوانـيـه!!
واليا بغيّت الصيف والمصياف عانـه فالمصيـف=تعطّر مـن الـورد وأكـل الخـوخ والرمانيـه!!
رحيم الغنامي
عصر التطور طافك و حدّك على حيد الرصيف=وين انت عن عصر التطور وانت في الضلعانيه
الطايف المانوس دار الكيف و الجـو اللطيـف=غلاه مستوزيه مـا بيـن الضلـوع الحانيـه
الكبتن مناحي
ماهو بعيب الضلع واللّي يسكن الضلع المنيف=احسن من اللي يارحيّـم يسكـن المسلانيـه
ياصاحب العقل الرزين وراعي الدم الخفيـف=شيـخ القبيلـه مايقفّـل دونـه البيبانـيـه
رحيم الغنامي
الله يبارك فيك مار الضلـع مزبـان الضعيـف=وانته شجيع و في المواقف تنطح العدوانيـه
اثرك من عتيبه و انا كنت احسب انك من ثقيف=لكنّ سرّ القاف و اسـر الليـل يـا سرحانيـه