[هلالي عتيبه]

اولا... والله ونعم بقبيلة مطير

ثانيا... موضوعك يالمريخي فاقد من الادله تماما وخير الادله هو الشعر وانت لم تذكر بيتا واحد, فهل من المعقول ان تنكسر عتيبه من مطير بدون ان تقال فيه ولا قصيدة واحده ؟!!
والمعروف ان اي مناخ او مغزا تتنصر فيه اي قبيلة فان شعارها يتغنون بهذا الانتصار سنين طويله, ( لدرجة ان حنيف ابن سعدون وهو من المطران, وهو من الحنشل سرى في ليلة من الليالي قاصد اهل بيوت شعر خابر ان عندهم ناقة طيبة ويبي ياخذها, راح هو ويا ثلاثه غيره ويوم وصلوا قال لاثنين يربظون في قاع القشع حتى ليا حصل علاهم شي يصيحون لهم ويفتكونهم, وراح ومعه واحد لين قرب من البيوت واخذ ينتظر يبي اهل البيت يرقدون وياخذ الناقه اللي يبيها ويهج, ولياه يسمع اهل البيت يوصون بعضهم خوف من الحنشل "يالنشامى لاترقدون... احترصوا.... تكفون ياعيالي.. ), سرى الليل علاه وهو ينتظر, وقال له خويه : ياحنيف حنا نبي نعود لهلنا لصبح اقبل والرياجيل مارقدوا, وليا حنيفك ماهو بسهل , قال والله ما اعود خالي , على الاقل ناخذ لنا طلي والا رخالة عفش نتغدى علاها بكره والا نتعشى, دور الرجال مالقى شي طارف عن اهل البيت , ويلتفت واذا بالحمارين الشهارى ( وانتم بكرامه ) وقال لخويه : والله محري ان حصيلنا هذا مار اخذها نبي نروح لخويانا ونعود لديرتنا, وراحوا لخوياهم وعودوا بفيدهم اللي فادوه ,,,,,, والقصه ذي اوثقها القصيد وذكرت فيه, فكيف بالقصة اللي انت ذكرتها ولا ذكر فيها بيت واحد ؟!!!


ثالثا... انت تقول

وكان فيصل بن وطبان يعتبر نفسه حاكم في نجد فاستغرب من رفض طلبه وأغار على عتيبه وأخذ الفرس رغما عن أنف أميرهم محمد بن ربيعان.....

كيف يعتبر نفسه حاكم في نجد ؟!!!
ومن القبايل في نجد خضعت له ويعتبر نفسه حاكم عليها ؟!!! ,,, وهو اللي قتلت قحطان ابوه وطردوه من دياراه , ويوم حدرت عتيبه لنجد طردوه مثل غيره من دياره , وحدوه على القصيم والصلب والصمان , ثم اطردوهم العجمان من الصلب والصمان ,,,,,, وبين بالله عليك حكمه على نجد اللي تقوله ؟!!!!!

رابعا.... انت تقول

- عدم إستطاعة بن ربيعان وقبيلته مواجهة فيصل الوطبان ومطير فقد أخذت فرسهم الثمينة من بين الإبل وداخل حماهم أثناء الغزو..

كيف ابن ربيعان وقبيلته عجزوا عن مواجهه فيصل الدويش , وعتيبه هي اللي حدته عن دياره وفي ذلك تقول موضي البرازيه من المطران

واديرتي اللي عنها مخلف حداني=حدي الضوامي عن ديار بها جم
واحد وخلا الدم في القاع قاني=ابوي لو هو لاحقن له ولد عم
ليا اعتزا من فوق بينت الحصاني=الخيل من حوله تفرق وتلتم
خلا شيوخ مطير مثل السماني= اهل السيوف اللي لعافيضها دم