[مخلف الهقاوي]

السلام عليكم ورحمة الله وبركاته

اما اليوم فأنا ابي اتغزل

اترككم مع الابيات:

ياهلا,,يامرحبا,,لبيه ومدري ويش اقول=جمّعت لك كل الكلام اللي قدرت اجمّعه
آسف غلاتي ماقدرت ازيد من زود الذهول=بين العيون السود وخدودك دخلت بمعمه
ياشارع الحب الرئيسي ليت مشواري يطول=امشي معاه بصمت واخلّي عيوني تشبعه
افدا عيـونه والقمـر ودي ليا شفتـه يـزول=وجهه يبث النور في جوف الجهات الاربعه
لبّى عيونه لا مشى يمشي معه الفين زول=كأنه زعيم ليا مشى كل البشر تمشي معه
مرات اذوّب مسمعه وانوّله مالا ينول=واحيان اغيب ولايبي الا كلامي مسمعه
لبّى ابتسامة شفتك يالصاحب الغرو الخجول=واحلى كلام(ن) همسك اللي في غرامي اسمعه
ياهلا,, ويامرحبا,,لبيت لك عرض وطول=وجمّعت لك كل الكلام اللي بوصفك اجمعه

آخر تعديل مخلف الهقاوي يوم 27-May-2007 في 03:50 AM.