صراحه محاوره روووعه اقيمت في ( الجموم ), وكان الشعراء الحاضرين سبعه ( الزلامي + المورقي + العمى + فيصل الرياحي + القرقاح + الحربي )
وكانت المحاورة ككل من اروع المحاورات اللي سمعتها, واخترت لكم افضلها ( من وجهة نضري )
الزلامي :
العبيدي بعد فارق جبال السراه = حج واسلم وربعه كلهم مسلمين
مار ابى ذكره شي يمكن نساه = ليلة الجمعه اللي دونها جمعتين
القرقاح :
العبيدي تعين له في كل اتجاه = واطلب الله يجي مره يجي مرتين
لعنة الله على اللي يمنعون الزكاه = والله ماتثبت الحجه بلا شاهدين
الزلامي :
بارك الله بوجه مايضيع حياه = لو جزع كل خشم ولو بكت كل عين
بين وقت الاذان وبين وقت الصلاه = اجتمعتوا على الحاشي ميه واربعين
القرقاح :
يارجل لو من دور لشي لقاه = كان ماضاق ابو نيه ببو نيتين
انتم مخططين وشدوا الانتباه = تظلمون العرب والظلم ماهوب زين
الزلامي :
ماتسوي عتيبه مثلكم هالسواه = ويش هالسالفه ياربعنا الطيبين
ابيض الناس لو يخطي يداوي خطاه = وانت لفيت عنها لفة ابا الحصين
القرقاح :
اتحداك تثبت شي عند القضاه = احلف يمين والقرقاح يحلف يمين
راعي السيف الاجرد كيف ياكل خباه = احسب ان اكثر العتبان متعنصرين
الزلامي :
العتيبي مايرد الشرع طول الحياه = حاجته منك ياخذها بضلع متين
كان سالم نبى نعطيك صك البراه = مار ما من سلامه كن بطنك بدين
القرقاح :
مثل ماصار للي من جنوب الحصاه = يمكن يصير للي توهم مقبلين
الزلامي نوا يجرح كبود زملاه = مار هو رجل خلوها وانا رجل دين
الزلامي :
مانفكر في قحطاني قلعنا مداه = مار ياويلكم لن جيتوا معودين
والحفله هذي مثل ماقلت اقيمت في الجموم قبل ثلاثة اسابيع تقريبا
وانشاء الله تعجبكم