[ابو شرف]

هذه المحاوره الرائعه بين الشبح/حبيب العازمي والامبراطور/مستور العصيمي.
حبيب:
على مستور لف الكاميرا ياراعي التصوير.
اباك تصوره صوره خصوصيه خصوصيه.
واكيد الناس تنشد ليش والمعنى يبى تفسير.
هذا رجال شخصيه وانا ماني بشخصيه.
مستور:
ليا لفت علي الكاميرا ما حاصل تقصير.
ابا اصورك صوره ثانيه ميتين بالميه.
انا خابرك دايم ياحبيب ماتجيب لي خير.
واظنك طير بن برمان راح وجاه بالحيه.
حبيب:
ترى ما قدمك الا الضلع يا البكلين ابو جنزير.
تدف الضلع ولا تنقلب قلبه هواويه.
انا شاعر من الشعار يامستور ماني طير.
ياصاحبها الذي ماجبت لاهذه ولا ذيه.
مستور:
انا خابرك ما تصحبني الا عقب دهن السير.
وانا بادهن سيورك كلها ذالحين وشويه.
انا والله مالي صوره في مكتب التزوير.
لكن انت مصور صورة بالعقل عاريه.
حبيب:
عسى تدهن سيورك كلها وقت الضحى وعصير.
وتبقى وانت المدهون والدهنه جنونيه.
انا خابر لك صوره قديمه مع هل التكفير.
ولو انشدك قلت احلف لك بربي ماهي ليه.
مستور:
نبي نقطع مشاكلنا مثل قطع الرشى فالبير.
عساه يطيب لك ويطيب لي يامغير النيه.
وشكراااااااااااااا.
انتظر ردودكم النيره.