هذه القصيده في الاخ زيد بن سعود بن غالي الغربي
ويعلم الله انه يستاهلها اليكم القصيده
الشعر بيبانه افتح اقفولها=وجالي مجال وكلمتي جيت اقولها
شاعر وبين مقصدتي في قصيدتي= وادرك مقاصيدي بشعري وانولها
مدحي لربعي مايسمى مجامله= امدح رياجيلٍ تنومس فعولها
يومن كلٍ يفتخر في قبيلته= وكلن يعدد والاصول انتمولها
انا انتمي لعتيبه الله يعزها= قبيلتي واللي الفخر في اصولها
اهل المكارم منبع الجود والصخا = عن كل زله عدل الله ميولها
لطامة العايل ليا فكر بزله= تضرب براسه في مواطي خيولها
ذباحة الحايل لضيفٍ يجيلها= والطيبه من حظ ناسٍ سعولها
امثال زيد اللي تنومس فعايله= رجل المواقف كان صعبت حلولها
يعشق علوم الطيب ويحب فعلها= ويعنالها من ظمن ناسٍ عنولها
وسكة فعول اهل الردا مامشابها= ماهيب لا حوله ولا هوب حولها
متسلسلاٍ بالطيب من عمه وخاله= من سربةٍ مانستمع في عذولها
غربيةٍ ماتنتعدد فعولهم= لا ثارت الهيجا وطقت طبولها
والمرجله تتعب قدم من مشالها= وانته مشيت لها مع اللي مشولها
محبتك للبل تضاف المراجلك= البل مراجل وانت تقدر تطولها
قنيت شعلٍ بيضت وجه قانيها= تسمل رديتها وتنقا فحولها
نسع غوارب هزع لا من قفيتهن = وان ناحرت لك قلت ياحي زولها
اضهورها من فوق الارداف زاميه=وارقاب جردٍ ماتحليت طولها
شعلٍ شماليات رثمن خشومهن= مافيهن اللي ماتوالف رحولها
اقولها والله شهيدٍ على قولي =وهذي حقيقه لازم اني اقولها