[مخلف الهقاوي]

المشاركة الأصلية كتبت بواسطة عبدالعزيز بن جودان

ياوجودي وجد من شاف المذله والغبينه=شاف حقرانه بعينه ثم تنهت له بونه
شايبٍ ماطاب حظه يوم طالن به سنينه=والجماعه برقو به يوم شاب وكبر سنه
شاف من عقب المعزه من زمانه مايهينه=وظن بعياله وفا لكن ماجو حسب ظنه
احبسوه بداخل المنزل تقول انه رهينه= وصدو القشران والنسوان عوب ولا يبنه
ينهرنه لا بغا العيشه ومد لهن يدينه= ومايخلنه يسولف وان هرج مايسمعنه
ماله الا يزعج الدمعه من العين الحزينه=موته ارحم من حياةٍ عيشته فيها بمنه
شلت همٍ مثل همه من فراقك يالحسينه= والله ان البعد نار وقرب لا ما الترف جنه
ليه قطعتي حبالٍ بيني وبينك متينه= وليه قلتي كل ماجازلك بيتٍ في غنه
تحسبين الحب لعبه لا طفشتي تلعبينه= ماحسبتي لبو ماجد والهموم اللي يجنه
يوم رحتي ماتونا من مدينه لا مدينه=متعبٍ حاله يدور والليالي اتعبنه
حالته يرثا لها والله على الفرقا يعينه= ومن نظر له قال ابو ماجد علامه والله انه
وكان يافايز لقيته بلغه بينك وبينه= قله اني رحت وعيوني قبل مامشي بكنه

ابن جوادن..والله ان شهادتي فيك مجروحه..وعزّ الله انك ابدعت كعادتك

بيّض الله وجهك..وصح لسانك حتى ترضى يااستاذي