السلام عليكم ورحمة الله وبركاته
اضع بين ايديكم هذه المتواضعه عسى ان تنال القبول
افهم سؤالي ياوليفي كان هم ماعلموك=ليه المحبه بيننا صعبه ولابه عافيه؟
ماعندك الا هات هات..ماعندي الا دوك دوك=دوك المحبه ياوليفي والمعزّه صافيه
يوم العواذل قد خذو منك الجزيله ماعطوك=وانا عطيتك يالغلا مدّه جزيله وافيه
اعطيتك الورد بيميني شفت في يمناك شوك=ليه الجفا ياصاحبي ليه الطبيعه جافيه
الطيب طبعٍ في هلك والصدق طبعٍ عند ابوك=وانت اهتويت الكذْب مع ذيك الطبوع الخافيه
جيتك وقلبي قد ملاه الشوق مافيها شكوك=جتني طعونك ماحسبْت انْها تجيني لافيه
رح سهّل الله دربك انت وربعك اللي غيروك=رح مالك بقلبي غلا شمعة غرامك طافيه
لو تدّعي حبي وتجمع لي ملايين البنوك=آسف..وكلّا وان بغيت اقرا الحروف النافيه
مالي ومال المهمهيه مانبي سوء السلوك=ارضي ضميري في زمن فيه الضماير هافيه
ماعندك الا هات هات ماقلت لي في يوم دوك=اطرد سرابك لين طافتني دروب العافيه