ياسعود أنا عندي كلام ٍ بقولـه = عساك تمشيبه بعـزم و عزايـم
إحذر من مخاوى قليل الرجولـه = ابعد عنه لاتقتـرب منـه دايـم
ترى الردي معروف فعله وقوله= لاتجهله ياسعـود فيـه العلايـم
طبعه يحب الهرج قصره وطوله= كم واحدٍ فوقـه يحـط التهايـم
ويسعى لتفريق الاصاحيب حوله= الله حسيبه كـم يحـب النمايـم
وفالماقف الحساس ماشيف زوله= من يتبعه ياسعود ذاق الهزايـم
ماله مع الريجيل صوله وجولـه= ماله مع اللي يفعلـون العظايـم
لكن أخـذ منـي كـلام ٍ بقولـه= إن كان ودك ماتجيـك اللوايـم
إحرص على اللي شامخات فعوله= قرم ذرى لك عن هبوب السمايم
رجل ٍ شجاع ٍ يرتكي للحمولـه = الله وجد فيه الخصـال الكرايـم
كل الشـكر لمن مر من هنــا ...
اخـوكم محمد العريــدي
آخر تعديل محمد الـعـريدي يوم 05-Aug-2007 في 05:21 AM.