اقتباس:
المشاركة الأصلية كتبت بواسطة بدرالهبيري
يوم الثلوث اعصير قبل الغروبي = راحوآ من الدنيا الثنين أيتبارون
روحي بأحر التعزيه يالهبوبي = وانصي بها علوش من قلب مطعون
بأسمي وعني عند أبوذيب نوبي = وقولي عسى ربعه على الصبر يقوون
راح الرفيق اللي يسد الدروبي = اللي هل الحاجات فيه ايتذرون
اللي يسد الربع في كل نوبي = محمد بن هلال ياوش تقولون
بيته ماهوب عن الضيوف محجوبي = عدن عليه الناس زافات يردون
تارد عليه الناس من كل صوبي = وعلى الفعول الطيبه منه يرهون
مايذبح اللا الحايل أم العصوبي = والبن الأشقر لو بسعره يزودون
والعود الأزرق فالمطايب يجوبي = على الرجال اللي لبيته يزورون
يفخر بطيبه كل قلب طروبي = ولآ الحسود يعيش ويموت مغبون
مايفرحون مدورين العيوبي = مهما يروق الهم ومهما يسوون
عزالله أنه فالرجال محسوبي = له منهج عسر على كل دندون
يرسي ليا كبرت عليه الخطوبي = مسند بني عمه لهم درع وحصون
شيال قالات كبار الهضوبي = عنها الكثير من الرياجيل يزرون
بالعرف والحكمه وطيب السلوبي = يحل صعبات الشرابيك بالهون
الله الله ..
ونعم كفو ويستاهلون المدح ...
رحم الله الفقيد وابنه وتغمدهم الله بواسع رحمته
الحقيقه قصيده معبره وبالغه في الحزن شكرا
اخي شوردي العتيبي على النقل وصح لسان الشاعر
هاجد بن جايد ( ابوعبدالله) شاعر جزل وننتضر منك
قصائد له وشكرا ً مره اخرى ..
تحياتي وتقديري .. بدرعيد ..
|
اللهم أرحمهم وأدخلهم فسيح جناتك
صح بدنك
ومشكورآ لك
ويشرفني مرورك
والله يحيك