السلام عليكم ورحمة الله وبركاته
استاذي العزيز مخلف الهقاوي
هذاهو الرد على قصيدتك
واعذرنا على التأخير والتقصير
لاباس ياشاكي هوى خدر الاعيان =الهاوي اللي يهيم في كل وادي
ماله جدى غير القوافي والالحان =وراع الهوى باليه رب العبادي
رفيق دربه وين ماراح (الاحزان )=ويشيل همه في صميم الفوادي
عينه ,,لسهر الليل ,,مبداء وعنوان =وقلبه فتيله,, والمفارق زنادي
يافالح المصعوك عينت ,,(سلطان )=اسير ,,,,! مايهنا بشرب وزادي
للي شعرها لانتثر فوق الامتان =سبيب شقراء درهمت للطرادي
والله لو اشيب من الشعر قيفان =بالوصف مااوفي وصف غايه مرادي
لو شافها سيد هل الوصف (ضيدان )=اخذ عن التوصيف موقف حيادي
بردان يابردان تشكي لصردان =لكن تبشر ...معك عادي وبادي
**ان كانها بالمال مطلوبكم هان =لو من حلالي صرت خال الايادي
**وان كان يارع الوفاء طير حوران =عن شوف مضنونك حدتك الحوادي
فزعت لاجلك فزعه تقضي الشان =وصحت الك في ربعي كعام المعادي
جذعان يوم الخيل في كل ميدان =مروين بالدم السيوف الحدادي
**وان كان خلك عنك مقفي وقنعان =من يطرد المقفين ضايع وغادي
الورد وانا اخوك في كل بستان =والصيد للقناص في كل وادي