[العــــــــابر]

بسم الله الرحمن الرحيم

الاخ بندر حياك الله بمنتدى الهيلا اللي يعيطك انت وامثالك كامل الحريه

في الكتابه فيه وهذا من طيبنا وكرمنا من قديم الوقت زمان وحاضر

احب اقولك شي شفته واستشفيته من سياق حديثك انك مدلس كبير

للحقيقه وهذا شي تعودنا عليه منكم. تقوول ياعتابه انتم قبيله عريقه

لاتشغلون انفسكم بالاصول او غيرها وكانك ناقدنا ابي اقولك شي يمكن

تساهيت عنه وانت مغصوب ان اللي يتلزق بابن حميد والكرزان وعتابه

هم انتم يالبقوم واعطيك معلومه ثانيه بكل مجلس او نقاش تجون

تتبجحون بهالكلام وتقولن الفلانيه من عتابه هم منا هذي نقطه افهما زين

مهوب حنا اللي دورنا وراها. ومن حقنا نبين كذب قبيلتك وتعجرفها الاجوف

وازيدك من الشعر بيت اربع قبايل تطالب بنسب الحمده لهم من خارج عتيبه

طبعا انتم المطالب الاول لانه اعظم فراسان الجزيره كل فاقد للصيت

جا يدورنا المفرووض وحريا بكم يالبقوم تطالبون بابن فهيد الشيباني يكون

منكم لانه اكثر واحد ذوقكم ميسم ناره زين.هذا غير قبايل كثيره تطالب

تقول ان الفلاينه من عتابه منا ولانقول الا الله لايبلانا ناس ترمى علانا.

ونقطه هامه جدا لعلمك لو كان ابن حميد او غيره من عتابه فعلا اصله


مهوب من عتاابه ماجحدنا لان هذا شي فخر لقبيلتنا يوم يطلع من قبيله

ذليله ويجي بقبيله عزيزه هذا فخر لنا لان الكل بوقت الجاهليه يدور

العز والذرى والشجاعه والسطوه اللي تملكها عتيبه لذلك حنا ماعندنا

مشكله سواء منا اساسا او مهوب من عتيبه لان الدعوه فخر لنا بكلتا

الحالتين .لاكن اللي يهمنا هو اذا جاك البلاء والتبلي من هالمرتزقه

طبعا لازم نثبت للعالم كله ان هذا كلام غلط وحنا ترا نثبت العلم

بقوة الحجه وبدقم الخشوم واعتقد انك تعرف هالشي زين وتفهمه حق

المعرفه .


احبتي رواد منتدى الهيلا ان المرتزقه كثر في ايامنا هذه فلاتلقوا لهم اهتماما

ولايحجب شعاع الشمس غير خالقها

العـــــــــــــــــــــــــــــــــــــابر

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

آخر تعديل العــــــــابر يوم 29-Aug-2007 في 08:38 AM.