يالربع وش السالفه ... والله إن سعيد أخو سعّد .. وكلهم يرجعون في جد واحد ... ترا انبطّت كبودنا من هالشّيلات اللي بس ((الشكوى على الله)).
منول ملفي جايبن شيله وسمعتها على السّاحة (( اليوم)) وكما ذكروا الأخوان أنها ينقصها فقط (حسن الإخراج الفني ) وقلنا إن شاء الله تجي شيلة أبرك منها ثم سمعنا بحبيب وقلنا (يانعمت الله) .. ولكن بعد سماعها الحين .. تفقع الكبد .. ذكّرنا بموالات عابد البلادي وهاك الأيام ... شيلة ملفي أطلق منها بمليون مرّة ..
ياشعارنا ترى أملنا بكم كبير بس لاتخيبونا ... نبي شي يشوش الرأس ليا سمعه .. وخاصة لياشفت البل والشيلة شغّاله ((عسى منت بعرج ياشريف))!!
وبك والله إن حبيب عليه صوت يحسّف أما هالشيله (أعوذ بالله)..
اللي يتابعون الساحة سمعوا بسبيع وشيلة رفيقهم ((الأبح)) فيه بحوحا مير والله إنها كايفه...
اللي يواجه حبيب .. يبلغه ويقول لاتنشرها نهائياً ((مهوب انتقاص من حبيب .. حاشا لله .. بس ... ماني بمكمل .. الله يهديهم ..
الجلاوي حسّه(صوته) زين نتمنى أنا نشوف شيله له قريباً .. أو أحد الشّعار الآخرين فيهم الخير والبركة ..
على العموم ترى المزاين ماباقين إلا أيام معدوده .. والأخوان إلى الآن ماحطوا شيله رسميه ...حتى لو تكون أكثر من شيله .. مافيه مانع ..