[الجعفري]

قال محمد اباالروس الذويبي من شيوخ حرب هذه القصيده بهذه المناسبه

تستاهل الكيف الحمر يا بن وايل = وأنت الذي تستاهل الكيف كلـه
يللي نقدته وسط ديوان حايـل = لولاك يا علوش محدن فطن له
بدلال من يقعد صغا كـل عايـل = الضيغمي ريف اليديـن المقلـه
الضيغمي مرذ المهار الأصايـل = يا ما أنقطع في ساقته من سجله
يا بن ظويهر ما بها قول قايـل = تستاهل الفنجان لا جـا محلـه
يا لناقد الفاقـد بحكـم الدلايـل = يا ريف هجن والمزاهب مقلـة
ربعك بني وايل نجـاز القبايـل = اهل الجموع الراسيات المظلـة
زبن الدخيل اللي توطاه طايـل = الجمع دونه والرمك مردف لـه

وقد رد علوش بن ظويهرالغضوري العنزي على محمداباالروس الذويبي من شيوخ حرب بقصيدة يقول فيها

يابن الذويبي يارفيـع الحمايـل = لاهنت يازبـن الهليـب المتلـه
ان جاء نهارا فيه صايل وجايل = والكل سيفه من جفيـره يسلـه
يوم يخوف به رجيف الاصايـل = وتبينت بالقـوم ريبـه وذلـه
والدم من ضرب المزاريج سايل = والسيف هامات الجماجم عشله
كم راس فرزامن علابيه مايـل = من كف شغموم بشلفـاه شلـه
يادرع من صكت عليه الدبايـل = يا ملحقه من بين قـوم مغلـه
ياحامي المظهوريـوم الهوايـل = يوم به الديـان ياخـذ فضلـه
حلياك حـر مايصيـد الهزايـل = سوه على الخرب المطرف يشله
يامعجب بالسـوم راع العدايـل = ان جن من المنكاف مثل الاهله
من لابة هل الفعـول الجزايـل = والطيب يظهر و الفعايل مدلـه

مشكور ابن وايل والله يعطيك العافية

آخر تعديل الجعفري يوم 21-Sep-2007 في 10:41 AM.